Մարդու իրավունքների եվրոպական դատարանը հուլիսի 16-ին որոշում է կայացրել ադրբեջանցի իրավապաշտպաններ Լեյլա եւ Արիֆ Յունուսների գործերի վերաբերյալ:
Քաղաքական արտագաղթից հետո Նիդեռլանդներում բնակվող Խաղաղության եւ ժողովրդավարության ինստիտուտի տնօրեն Լեյլա Յունուսը եւ այս ՀԿ-ի բաժանմունքի տնօրեն Արիֆ Յունուսը բողոքարկել են իրենց նախադատական կալանքն Ադրբեջանում՝ քրեական հետապնդումը կապելով իշխանությունների հասցեին քննադատության հետ:
Յունուսները ձերբակալվել էին 2014 թվականին Բաքվի օդանավակայանից մեկնելիս: Նրանց գրասենյակում եւ բնակարանում խուզարկություններ էին իրականացվել։ Այս ընթացքում Ա. Յունուսն իրեն վատ էր զգացել եւ տեղափոխվել հիվանդացոց։
Ադրբեջանի դատարաններն անտեսում էին ամուսինների բողոքներն այդ գործողությունների անօրինականության վերաբերյալ: Դրանից հետո 2014-ի օգոստոսին Յունուսները ձերբակալվել էին խարդախության, հարկերից խուսափելու եւ յուրացման մեղադրանքով:
Հայաստանի օգտին լրտեսության մեղադրանքն առանձին վարույթում էր, սակայն այդպես էլ շարունակություն չունեցավ։
Մեկ տարի անց Լեյլա եւ Արիֆ Յունուսները դատապարտեցին համապատասխանաբար 8․5 եւ 8 տարվա ազատազրկման:
ՄԻԵԴ-ը ճանաչել է նրանց իրավունքների խախտումը՝ հոդ․ 5-ի (ազատության եւ անձնական անձեռնմխելիության իրավունք), հոդ. 6-ի (արդար դատաքննության իրավունք), հոդ. 8-ի (ընտանեկան կյանքի նկատմամբ հարգանքի իրավունք), հեդ. 13 (իրավաբանական պաշտպանության արդյունավետ միջոցների իրավունք), Արձանագրություն 1, հոդ. 1-ի (սեփականության իրավունք) Արձանագրություն 1, հոդ. 2-ի (տեղաշարժման ազատություն), Մարդու իրավունքների եւ ազատությունների եվրոպական կոնվենցիայի թիվ 4 Արձանագրություն, հոդ. 18-ի (իրավունքների նկատմամբ սահմանափակումների օգտագործման սահմանները) համաձայն:
Ստրասբուրգի դատարանը որոշում է կայացրել, որ Ադրբեջանի կառավարությունը պարտավոր է Յունուսներին փոխհատուցումը վճարել՝ յուրաքանչյուրին 20 հազար եվրոյի չափով եւ եւս 11.438 եվրո՝ դատական ծախսերի համար:
Ըստ հայցվորների՝ հետապնդման պատճառը նրանց ակտիվ քաղաքացիական դիրքորոշումն էր եւ քննադատությունը կառավարության հասցեին: ՄԻԵԴ-ը համաձայնել է նրանց փաստարկների հետ՝ ճանաչելով նրանց իրավունքների խախտումը հոդ․ 18-ի համաձայն (իրավունքների նկատմամբ սահմանափակումների օգտագործման սահմանները):
ՄԻԵԴ-ի վարույթում եւս մեկ դիմում է կա Յունուս ամուսիններից, որը կապված է նրանց դեմ հարուցված քրեական գործի հետ:
