ՆԱՏՕ-ի համար շատ կարեւոր է Հարավային Կովկասի անվտանգության հարցը: Այդ մասին ադրբեջանական APA գործակալության հետ զրույցում հայտարարել է ՆԱՏՕ-ի գլխավոր քարտուղա Անդերս Ֆոգ Ռասմուսենը:
Այցով ԱՄՆ-ում գտնվող Ռասմուսենը «սառեցված հակամարտությունները» Կովկասի անվտանգության պոտենցիալ սպառնալիք է անվանել: Նա նկատել է, թե ՆԱՏՕ-ն եւ իր դաշնակիցները, այդ թվում ԱՄՆ-ը եւ Ռուսաստանը փորձում են տարածաշրջանում խաղաղություն եւ կայունություն հաստատել:
«Սպառնալիքների ճնշման միակ ուղին պետությունների եւ կազմակերպությունների լայն համագործակցությունն է: Մենք լայն հնարավորություններ ունենք անվտանգության ապահովման համար ոչ միայն Եվրոպայում, այլ եվրոատլանտյան ողջ տարածաշրջանում, այդ թվում` Կովկասում: ԱՄՆ-ը կարող է դառնալ այդ գործընթացի առաջատար ուժը»,- հավաստել է ՆԱՏՕ-ի գլխավոր քարտուղարը: