News
Լրահոս
News
Կիրակի
Սեպտեմբեր 20
USD
485.26
EUR
574.98
RUB
6.46
ME-USD
0.01
Տեսնել լրահոսը

«Վրացական երազանք» կուսակցությունից Նինոծմինդայի եւ Ախալքալաքի մեծամասնական պատգամավոր Հենզել Մկոյանի փաստաբան Տարիել Մուրմանիշվիլին հայտարարել է, որ Մկոյանին եւ նրա ընտանիքին սպառնում են սպանել: Այս մասին նա ասել է այսօր մամուլի ասուլիսի ժամանակ, հաղորդում է JNEWS-ը:

Մկոյանին խնդրել են նաեւ հեռանալ քաղաքականությունից: Նրա խոսքով՝ Մկոյանին երկու անգամ սպառնալիքներով զանգել են Ռուսաստանից: Զանգողը Մկոյանի հետ խոսել է ռուսերենով Կովկասի ակցենտով:

«Դա վերաբերում է սպառնալիքներին, շանտաժին եւ ոտնձգություններին: Առաջին անգամ զանգել են հուլիսի 20-ին, զանգել են մեսենջերով եւ նրա հետ խոսել Կովկասի ակցենտով: Հուլիսի 24-ին երեկոյան նրան զանգել են WhatsApp-ով: Մկոյանը համարում է, որ զանգը ստացվել է Մոսկվայից՝ դատելով կոդից: Երկրորդ զանգի ժամանակ եւս խոսել են ռուսերենով եւ Կովկասի ակցենտով: Նրանք սկսել են գումար շորեթել»,-ասել է փաստաբանը:

Փաստաբանը նշել է, որ Մկոյանն իրեն ասել է, որ նրանք խոսել են հանցագործին հատուկ սլենգով:

«Մկոյանը նրանց հարցրել է, թե ովքեր են եւ ինչ են ուզում, եւ ինչու նա պետք է վճարի իրենց: Ի պատասխան՝ սպառնալիքներ են հնչեցվել: Մեկն ասել է. «Ես բանտում 15 տարի եմ անցկացրել, նոր եմ դուրս եկել, եւ եթե դուք 5 մլն դոլար չփոխանցեք նշված հաշվեհամարին, մենք կսպանենք ձեզ եւ կնստենք եւս 20 տարի, մենք գիտենք՝ ուր եք դուք գնում»»,-հայտնել է փաստաբանը:  

Փաստաբանը հավելել է, որ Մկոյանն ու նրա ընտանիքի անդամները սթրեսային վիճակում են, նրանք արդեն դիմել են դատախազություն, սակայն Մկոյանի գործը փոխանցել են շրջանային դատարան, եւ այժմ Մկոյանը պահանջում է գործը Գլխավոր դատախազություն փոխանցել:

Հիշեցնենք, որ մարտին Ախալքալաքում վիճաբանություն է տեղի ունեցել Հենզել Մկոյանի եւ նախկին պատգամավոր Սամվել Պետրոսյանի միջեւ, որն այժմ ներկայացնում է «Հայրենասերների դաշինքը»: Դեպքի փաստով  2 մարդ է ձերբակալվել:  

!
Այս նյութը հասանելի է նաև   Русский
Տպել
Կարդացեք նաև
Ամբողջը
Վրաստանի ՆԳՆ-ն հետաքննություն է սկսել ԱԺ պատգամավոր Հենզել Մկոյանի նկատմամբ շանտաժի գործով
«Նրան ասում են հեռանալ քաղաքականությունից եւ 5 միլիոն դոլար փոխանցել իրենց հաշվեհամարներին, հակառակ դեպքում սպառնում են սպանել նրան եւ նրա ընտանիքի անդամներին...
Ախալքալաքի դատարանը որոշում է կայացրել կալանքի տակ թողնել ամբաստանյալ Արթուր Գաբրիելյանին
Ամբաստանյալի փաստաբանը եւս համաձայնել է, որպեսզի Ա.Գ.-ն մնա կալանքի տակ...
Ախալքալաքում ձերբակալված Արթուր Գաբրիելյանին պաշտոնապես մեղադրանք է առաջադրվել
Քննությամբ պարզվել է, որ մեղադրյալ Ա.Գ.-ն վեճի ընթացքում հրազենից մահացու վիրավորել է Վ.Մ.-ին...
Ախալքալաքում վենդետան չի բացառվում. դեպքի մասին պատմում է Արտակ Գաբրիելյանը
Այնուհետեւ սպանվածի կողմնակիցներն արդեն հրկիզել են սպանողի տունը, հայրական տունը, իրեն պատկանող հյուրանոցը եւ եւս 2 տուն…
Վրաստանի նախագահը հայտարարել է, որ երկրում քրեածին իրավիճակը կայուն է համարում
Ջավախքի լեռնային, որակյալ արոտավայրերը զբաղեցնում են այլ տարածքներից եկած թուրքերը, ինչն արդար չէ. Շիրակ Թորոսյան
Ջավախքում վերջին օրերին փոքրիկ լարվածություն առաջացավ արոտավայրերի հետ կապված...