News
Լրահոս
News
Երկուշաբթի
Հոկտեմբեր 26
USD
494.01
EUR
585.25
RUB
6.47
ME-USD
0.01
Տեսնել լրահոսը

Բնապահպանական հեղափոխությունը համաշխարհային տնտեսության համար կարող է հնարավորություն դառնալ՝ հաղթահարելու կորոնավիրուսի համավարակի առաջացրած դժվարությունները: Այս մասին հայտարարել է Մեծ Բրիտանիայի վարչապետ Բորիս Ջոնսոնը՝ տեսակապով խոսելով ՄԱԿ Գլխավոր ասամբլեայի բարձր մակարդակի շաբաթվա շրջանակներում կլիմայի փոփոխության դեմ պայքարի միջոցառման ժամանակ, հայտնում է ՏԱՍՍ-ը:

«Նոր արդյունաբերական կանաչ հեղափոխությունը ստեղծված իրավիճակից միանգամից դուրս գալու հնարավորություն է»,- ասել է բրիտանական կառավարության ղեկավարը՝ խոսելով համաշխարհային տնտեսության վրա կորոնավիրուսի համավարակի ազդեցության մասին:

«Ես ձեզ համար լավ լուր ունեմ այս տարի Մեծ Բրիտանիայի կողմից ջերմոցային գազերի արտանետումների կրճատման վերաբերյալ՝ կարծես այս տարի այդ մակարդակը 8-10%-ով ցածր կլինի նախորդ տարիների համեմատ: Վատ նորությունն այն է, որ մենք դրան հասանք կորոնավիրուսից առաջացած մեծ տնտեսական ցնցումն ապրելուց հետո»,- ասել է Ջոնսոնը:

Պատմելով վերականգնվող աղբյուրներից Մեծ Բրիտանիայում էլեկտրաէներգիա արտադրելու «մեծ հնարավորությունների» մասին՝ վարչապետը հիշեցրել է, որ թագավորության կառավարությունը ջերմոցային գազերի արտանետումները մինչեւ 2050 թվականը զրոյացնելու հավակնոտ պարտավորություն է ստանձնել՝ կյանքի կոչելով աշխարհի ամենախիստ բնապահպանական օրենքներից մեկը: Բրիտանիայի վարչապետը համոզմունք է հայտնել, որ միջազգային հանրության կողմից նման համաձայնեցված միջոցառումները կարող են փոխել իրավիճակը աշխարհում: «Ես ուզում եմ, որ մնացած բոլորը նույնքան հավակնոտ լինեն»,- ասել է Ջոնսոնը` օրինակ բերելով ածխածնի արտանետումները մինչեւ 2060 թվականը զրոյացնելու նախագահ Սի Ցզինպինի խոստումը: «Սա գերազանց է, սա հզոր ուղերձ է աշխարհին»,- ասել է Ջոնսոնը:

Նա նաեւ հավելել է, որ դեկտեմբերի 12-ին Մեծ Բրիտանիան եւ ՄԱԿ-ը կլիմայի փոփոխության դեմ պայքարի գագաթաժողով կանցկացնեն: «Ես վախենում եմ, որ դա դեռ վիրտուալ գագաթաժողով կլինի, բայց այն դեռ շատ կարեւոր հնարավորություն կլինի մեզ համար` տեսնելու, թե որտեղ ենք մենք, եւ որոնք են մեր հավակնությունները, եւ հուսով եմ, որ բոլորը կարող են մասնակցել դրան»,- ասել է Բրիտանիայի վարչապետը:

«Կորոնավիրուսն անակնկալի բերեց մարդկությանը, եկեք դա ընդունենք, սակայն կլիմայի փոփոխության վերաբերյալ ոչ ոք չի կարող ասել, որ մեզ չեն նախազգուշացրել, եւ որ այժմ մենք ի վիճակի չենք կատարել անհրաժեշտ նախապատրաստություններ»,- եզրափակել է իր խոսքը Ջոնսոնը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բրիտանացի մանկաբույժերը կոչ են արել իշխանություններին աղքատ ընտանիքների երեխաներին ապահովել անվճար սննդով
Բժիշկները պատմել են, որ 4 մլն երեխաներ երկրում ապրում են աղքատության մեջ, եւ նրանց մեկ երրորդն անվճար դպրոցական սննդի կարիք ունի…
Բուլղարիայի վարչապետը վարակվել է կորոնավիրուսով
Ֆեյբուքյան իր էջում Բորիսովը հայտնել է, որ կմնա տանը բժիշկների խորհրդով բուժումն ստանալու համար…
Իսպանիայում սահմանվել է բարձր պատրաստվածության ռեժիմ կորոնավիրուսի համավարակի պատճառով
Արգելվում է մարդկանց տեղաշարժման ազատությունը 23.00-06.00-ն ընկած ժամանակահատվածում երկրի ողջ տարածքում…
Իտալիայում կրճատել են ռեստորանների եւ ակումբների աշխատաժամերը կորոնավիրուսի դեպքերի աճի պատճառով
Խուսափելով կանգնեցնել տնտեսական գործունեությունը՝ Հռոմի իշխանությունները հայտնել են, որ չեն ցանկանում կրկին համընդհանուր կարանտինի սահմանում, ինչպես եղել է ավելի վաղ…
Մալայզիայի թագավորը մերժել է երկրի վարչապետի առաջարկը կորոնավիրուսի կապակցությամբ արտակարգ դրություն հայտարարելու մասին
Թագավորը համարում է, որ կառավարությունը հաջողությամբ հաղթահարում է համավարակը…
Բելգիայում գրանցվել է մեկ օրում կորոնավիրուսով հոսպիտալացման նոր ռեկորդ
Հոկտեմբերի 15-21-ն օրական գրանցվել է կորոնավիրուսով վարակման միջինում նոր 11 891 դեպք, ինչը 50 տոկոսով գերազանցում է նախորդ շաբաթվա ցուցանիշը…
Ամենաշատ