News
Լրահոս
News
Ուրբաթ
Մայիս 14
USD
522.48
EUR
632.67
RUB
7.06
ME-USD
0
Տեսնել լրահոսը

Անկարան դատապարտում է Թուրքիայի առաջնորդ Թայիփ Էրդողանի ծաղրանկարների հրապարակումը Charlie Hebdo ֆրանսիական ամսագրում եւ դրանք Ֆրանսիայի նախագահ Էմանուել Մակրոնի «հակամուսուլմանական ծրագրի» պտուղներն է համարում, հայտարարել է Թուրքիայի նախագահի աշխատակազմի կոմունիկացիաների բաժնի ղեկավար Ֆահրեթին Ալթունը, փոխանցում է  «ՌԻԱ Նովոստի»-ն:

Ավելի վաղ Charlie Hebdo-ն իր շապիկին հրապարակել էր Էրդողանի ծաղրանկարը` Փարիզի եւ Անկարայի հարաբերությունների միջեւ ճգնաժամի ֆոնին: Թուրքիայի ղեկավարը ծաղրանկարում պատկերված է կիսահագնված, նստած է բազկաթոռին եւ աջ ձեռքում զովացուցիչ ըմպելիք է: Մյուս ձեռքով նա բարձրացնում է ծառա կնոջ զգեստի ծայրը: Ծաղրանկարը վերնագրված է` «Էրդողանն անձնական կյանքում շատ անպարկեշտ է»:

«Ֆրանսիայի նախագահ Մակրոնի հակամուսուլմանական ծրագիրը պտուղներ է տալիս: Charlie Hebdo-ն հենց, այսպես կոչված, ծաղրանկարների նոր շարք է հրապարակել, որը լի է իբր մեր նախագահի վիրավորական պատկերներով: Մենք դատապարտում ենք այս հրապարակման մշակութային ռասիզմ եւ ատելություն սերմանելու նողկալի փորձը»,- գրել է Ալթունը Twitter-ում:

Նա նշել է, որ «ռասիստական, այլատյացական, իսլամաֆոբական եւ հակասեմական հրահրումները չեն կարողանա Թուրքիային պատասխան գործողությունների դրդել»:

«Այս տեսակի անպատասխանատու եւ անիմաստ հարձակումները մեր մշակույթի դեմ միայն ռասիզմ եւ խտրականություն կծնեն: Մենք մեր եվրոպացի բոլոր առողջ ընկերներին կոչ ենք անում պայքարել այսպիսի պարզունակ մշակութային ռասիզմի, մտավոր անպտղության եւ ոչ քաղաքակիրթ բանավեճի դեմ»,- հավելել է Ալթունը:

Ֆրանսիայի եւ Թուրքիայի միջև հարաբերությունների հերթական սրումը տեղի ունեցավ Փարիզի արվարձանում դպրոցի ուսուցչի սպանության եւ ֆրանսիական իշխանությունների` դրան հաջորդած արձագանքի ֆոնին, որը Թուրքիայում որպես մահմեդականների դեմ ուղղված որակեցին:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իսլամի ալժիրցի հայտնի հետազոտողը 3 տարվա ազատազրկման է դատապարտվել «իսլամը վիրավորելու» համար
55-ամյա Ջաբելհիրը, ով կոչ է արել մտածել իսլամի հիմնարար տեքստերի ուղղությամբ, դատարանի առջեւ է կանգնել: AFP-ի հետ զրույցում Ջաբելհիրն ասել է, որ զարմացած է դատավճռի խստությունից եւ կբողոքարկի վճռաբեկ դատարանում:
Israel Hayom. Երուսաղեմը Էրդողանի՝ մուսուլմանական խալիֆաթի վերածնման երազանքի մասն է
Էրդողանը ձգտում է վերականգնել Օսմանյան կայսրությունը եւ ստանձնել իսլամի երրորդ սրբազան քաղաք Երուսաղեմի պատասխանատվությունը...
Շվեյցարիայում նիկաբ կրելու արգելքի հարցով հանրաքվե տեղի կունենա
Փարանջաներն ու նիկաբները հագուստի սովորական մաս չեն․․․
Ֆրանսիայում ավելի քան 70 մզկիթների հանդեպ հետաքննություն կանցկացվի
Դարմանինը հայտնել է, որ ավելի քան 2600 մզկիթներից 76-ը ճանաչվել են որպես Ֆրանսիայի հանրապետական արժեքներին եւ անվտանգությանը հնարավոր սպառնալիքներ․․․
Նոր Զելանդիայում ոստիկանական համազգեստում նաեւ հիջաբ է ներառվել
Առաջին կին ոստիկանը, ով աշխատանքի ընթացքում հիջաբ կկրի, կոնստեբլ Զինա Ալին է...
Կադիրովը պահանջել է Ժիրինովսկիից ներողություն խնդրել Մակրոնի հասցեին հայտարարությունների առնչությամբ նրա խոսքերի համար
Ժիրինովսկի, ներողություն խնդրիր քո խոսքերի համար…