News
Լրահոս
News
Շաբաթ
Հունիս 19
Տեսնել լրահոսը


Շարունակում է ներքաղաքական ակտիվությունը Հանրապետության առաջին նախագահը։ Լեւոն Տեր-Պետրոսյանը պատմել է, որ եռանախագությամբ դաշինք կազմելու իր առաջարկին Ռոբերտ Քոչարյանից կտրուկ մերժում ստանալուց հետո,  մայիսի 1-ին հանդիպել է Սերժ Սարգսյանի հետ՝ նրան առաջարկելով ընտրությունների գնալ ՀԱԿ-ՀՀԿ դաշինքով: «Անշուշտ այդ ձևաչափը նույն արդյունավետությունը չէր ունենա, ինչ չիրականացած եռակողմ դաշինքը: Չիրականացավ նաև իմ երկրորդ առաջարկը, քանի որ այն Սարգսյանը մերժեց», գրել է նա եւ հրապարակել հայտարարությունը, որը պետք է ստորագրեին ինքն ու Սերժ Սարգսյանը՝ համաձայնության գալու դեպքում: Ի դեպ, դրանում Տեր-Պետրոսյանը 2-րդ նախագահին վերագրում է ռեւանշիստական նպատակ, դարձյալ կրկնում է երեք նախագահով դաշինք կազմելու առաջարկը, նաեւ շեշտում, որ այլապես երկրին սպառնում են վարչական, ֆինանսական, քրեական ռեսուրսների համատարած օգտագործմամբ ուղեկցվող կատաղի ընտրություններ, որոնց արդյունքը կարող է ավելի աղետաբեր լինել, քան վերջին պատերազմում կրած նվաստացուցիչ պարտությունը:

Երրորդ նախագահի գրասենյակն արձագանքել է առաջին նախագահ Լեւոն Տեր-Պետրոսյանի հայտարարությանը։ «Երրորդ նախագահը հաստատում է առաջիկա խորհրդարանական ընտրություններին դաշինքով մասնակցելու վերաբերյալ առաջին նախագահի առաջարկի մերժումը՝ ասվում է հայտարարությունում։ Ինչ վերաբերում է Լևոն Տեր-Պետրոսյանի հրապարակած հայտարարության տեքստին, ապա նախագահ Սարգսյանն այն տեսնում է առաջին անգամ»,– ասվում է հայտարարությունում:

«ԱԱԾ պահեստազորի սպաների միության» հրավիրած ասուլիսում ԱԱԾ տնօրենի նախկին առաջին տեղակալ, գեներալ-լեյտենանտ Հրանտ Եպիսկոպոսյանը  հայտարարել է, որ ստեղծված իրավիճակից դուրս գալու ելքը մեկն է՝ ուժերի հզոր համախմբմամբ երկիրը փրկել անխուսափ փլուզումից։

Ըստ միության նախագահի՝ քաղաքական պոպուլիզմը առավել քան իրական վտանգ է եւ կարող է ավերիչ լինել ընտրությունների պատրաստվող Հայաստանի համար։ Նա շեշտել է, որ իրենք ֆիքսելու են ընտրակաշառք բաժանելու, վարչական ռեսուրս կիրառելու դեպքերը, հետեւելու են, որ ընտրարշավը համապատասխանի օրենքին եւ քաղաքական պայքարի էթիկային:

Ասուլիսին մասնակցող ԱԱԾ նախկին տնօրեն Արթուր Վանեցյանը հավաստիացրել է, որ Պահեստազորի սպաների միությունը, որի անդամ է ինքը, գործելու է ոչ որպես որեւէ քաղաքական ուժ եւ իրեն չի աջակցելու:

Վանեցյանն ասել է, որ միտում են տեսնում երեք տարում ԱԱԾ 5 տնօրեն փոխելու մեջ:

«Այսպիսի կառույցներում ղեկավարներին այդքան հաճախ չեն փոխում, եւ եթե փոխում են, պետք է լինի հստակ բացատրություն: Փորձելով թուլացնել ԱԱԾ-ն, այս իշխանությունները փորձել են թուլացնել պետության հիմքերը»,- ասել է նա:

ԱԱԾ  նախկին ղեկավար Միքայել Համբարձումյանը նշել է, որ այսօր շատերը տպավորություն են ստանում, որ ԱԱԾ-ն վերածվել է քաղմասի, ամեն գործով զբաղվում է. «Այն ժամանակ ծառայությունն իր գործն էր կատարում, իսկ հիմա այդ ռիթմը կորել է», ասել է նա:

Մանրամասներ են հայտնի դարձել երեկ խորհրդարանում, ընդմիջման ժամանակ Ազգային ժողովի նախագահ Արարատ Միրզոյանի եւ Մարդու իրավունքների պաշտպան Արման Թաթոյանի հայտնի բանավեճից: Միրզոյանը դժգոհել է, որ Թաթոյանը կոշտ է հակադարձել Մարիա Կարապետյանին: Թաթոյանն ասել է, որ «Իմ քայլն» ընտրել է հատուկ տակտիկա և առաջադրանք տվել Կարապետյանին՝  իր ելույթով նսեմացնել Պաշտպանի աշխատանքը և իրեն, ինչն առաջին անգամը չէ:

ԱԺ նիստում այսօր զավեշտալի վիճակում հայտնվել Ազգային ժողովի փոխխոսնակ Ալեն Սիմոնյանը, որի հեռախոսից հանկարծ միացել է Նիկոլ Փաշինյանի ձայնը։

Հայաստանում նոր կորոնավիրուսով վարակվելու 356 նոր դեպք է գրանցվել, վարակվածների ընդհանուր թիվը հասել է 218681-ի: Մեկ օրում մահացել է 21 վարակակիր, նրանցից 4-ը՝ այլ հիվանդությունից։ Մահացածների ընդհանուր թիվը 5245 է:

Երեւանում նախօրեին 30-ամյա ծննդկան է մահացել: Ըստ առողջապահության նախարարության՝ կնոջ երկրորդ հղիությունը հսկող բժիշկները ծանր ախտորոշումից հետո որոշել էին 36 շաբաթական ժամկետում կեսարյան հատում իրականացնել՝ մորը եւ պտղին փրկելու համար: Սակայն կնոջ կյանքը փրկել չի հաջողվել: Նորածին երեխան իրեն լավ է զգում:

ԱՄՆ դոլարի փոխարժեքը, նախորդ օրվա համեմատ աճելով 0.64 դրամով, կազմել է 522.09 դրամ: Եվրոյի փոխարժեքն աճել է 2.49 դրամով ու հասել 630.68 դրամի, բրիտանական ֆունտի փոխարժեքն աճել է 1.10 դրամով ու հասել  726.75 դրամի, իսկ ռուսական ռուբլու փոխարժեքն աճել է 0.06 դրամով  ու կազմել 7.05 դրամ:

Հայաստանում մայիսի 8-ին սպասվում է առանց տեղումների եղանակ: Հանգստյան օրերին օդի ջերմաստիճանը կբարձրանա 4-5 աստիճանով, սակայն երկուշաբթի կրկին կնվազի:  Երեւանում եւս տեղումներ չեն լինի։  Գիշերը մայրաքաղաքում կլինի +9 +11, վաղը ցերեկը՝ +22 +24:

Տպել
Կարդացեք նաև
Ամբողջը
Լուրեր Հայաստանից ու աշխարհից «մեկ տողով»․ 28․05․2021
Առաջին անգամ Հանրապետության տոնին գլխավոր հանդիսավայրը փակ է եղել լրագրողների եւ քաղաքացիների համար…
Լուրեր Հայաստանից ու աշխարհից «մեկ տողով»․ 28․05․2021
Այսօր առավոտյան հերթական անգամ հայ հանրությունը փոթորկվեց սահմանից ստացված լուրից: Գեղարքունիքի սահմանային գոտում...
Լուրեր Հայաստանից ու աշխարհից «մեկ տողով»․ 26․05․2021
Սյունիքում երեկ հերթական բախումն է տեղի ունեցել հայ զինծառայողների եւ Հայաստանի տարածք ներխուժած ադրբեջանցի զինվորականների միջեւ...
Լուրեր Հայաստանից ու աշխարհից «մեկ տողով»․ 25․05․2021
Երեկվանից սկսած Հայկական զինուժը երեք կորուստ ունի, որոնցից մեկը՝ մարտական...
Լուրեր Հայաստանից ու աշխարհից «մեկ տողով»․ 24․05․2021
Վերջին օրերին լուրեր էին շրջանառվում, որ 44-օրյա պատերազմի օրերին Ջրականից նահանջելիս 160 հայ զինվոր անցել...
Լուրեր Հայաստանից ու աշխարհից «մեկ տողով»․ 21․05․2021
Ողբերգական վթարի հետևանքով ժամկետային զինծառայող է մահացել․․․