Իսպանիան հայտարարել է, որ երկուշաբթի օրվանից պաշտոնապես կվերացնի սահմանափակումները Մեծ Բրիտանիայից ժամանող ճանապարհորդողների համար, հաղորդում է BBC-ն:
Կառավարությունը հայտարարում է, որ Մեծ Բրիտանիան եւ Ճապոնիան կհայտնվեն այն երկրների ցուցակում, որոնց բնակիչները կկարողանան խուսափել ԵՄ տարածքում ճանապարհորդության սահմանափակումներից եւ նրանց հարկավոր չէ ՊՇՌ թեստ հանձնել կորոնավիրուսի ախտորոշման համար: Այնուամենայնիվ, Իսպանիա մեկնող բրիտանացի զբոսաշրջիկները վերադառնալուց հետո պետք է կարանտին անցնեն:
Միեւնույն ժամանակ, Գերմանիան հայտարարել է, որ յուրաքանչյուր ոք, ով ժամանելու է Մեծ Բրիտանիա, երկու շաբաթ կմնա կարանտինում: Որոշումը կապված է Covid-19 հնդկական շտամի հետ, որն Անգլիայի կորոնավիրուսով վարակման նոր դեպքերի մեխ մասի պատճառն է դարձել եւ որը, ըստ Գերմանիայի հանրային առողջության ինստիտուտի, ավելի արագ է տարածվում:
Միացյալ Թագավորության կառավարությունը շարունակում է վճռականորեն խորհուրդ տալ զերծ մնալ ԵՄ այլ երկրներ ճանապարհորդություններից, այդ թվում` Գերմանիա եւ Իսպանիա:
