Իլոն Մասկն առաջարկել է SpaceX-ի ծառայությունները՝ ՆԱՍԱ-ին հաջորդ սերնդի սկաֆանդրների ստեղծման գործում օգնելու համար այն բանից հետո, երբ պարզվել է, որ գործակալության ընթացիկ ծրագիրը հետաձգված է եւ կարժենա ավելի քան 1 միլիարդ դոլար: «Անհրաժեշտության դեպքում SpaceX-ը կարող է դա անել»,- Twitter-ում գրել է Մասկը:
Մասկը տիեզերագնացների համար նախատեսված թռիչքի կոստյումներ է նախագծել եւ արտադրել, որոնք ուղեծիր են դուրս բերվում SpaceX-ի Crew Dragon տիեզերանավով: Թռիչքի կոստյումները հիմնականում նախատեսված են տիեզերագնացներին պաշտպանելու համար տիեզերանավի ներսում հրդեհի դեպքում կամ երբ խցիկը ապահերմետիզացված է: Տիեզերական կոստյումների զտեղծումն ավելի դժվար կլիներ՝ հաշվի առնելով տիեզերանավից դուրս գոյատեւելու անհրաժեշտությունը տիեզերքի ծանր պայմաններում:
ՆԱՍԱ-ի ներկայացուցիչ Մոնիկա Վիտը CNBC-ին տված հարցազրույցում Մասկի առաջարկի կապակցությամբ մատնանշել է գործակալության՝ անցած ամիս տիեզերական ընկերություններին ուղղված խնդրանքը «առեւտրային տիեզերական կոստյումներ, սարքավորումներ եւ ծառայություններ» ձեռք բերելու հայցը: