Վրաստանում կորոնավիրուսով վարակվածների թիվը վերջին օրում մեծացել է 1 501-ով, մահացել է 43 մարդ:

StopCov պաշտոնական կայքի տվյալներով՝ երկրում համավարակի առաջին օրերից առ այսօր հայտնաբերվել է վարակվելու 595 264 դեպք:

Միեւնույն ժամանակ վերջին 24 ժամում կորոնավիրուսից բուժվել է  1 954 պացիենտ, իսկ համավարակի ամբողջ ընթացքում՝ 559 996 մարդ: Մահացել է 8 541 քաղաքացի:

Մեկ օրում կատարվել է 22 920 թեստ, որոնցից 12 141-ը հակամարմինները պարզելու համար, իսկ 10 779-ը՝ ՊՇՌ:

Վարակվածության ցուցանիշը մեկ օրում 6,55 տոկոս է, վերջին 14 օրում՝ 7,19 տոկոս, վերջին 1 օրում՝ 6,89 տոկոս:

Ներկայում Վրաստանում կատարվել է կորոնավիրուսի դեմ 1 646 441 պատվաստում, այդ թվում՝ վերջին օրում՝ 14 071:

Տվյալ պահին կարանտինում գտնվում է 39 մարդ, ստացիոնար բուժում է ստանում՝ 5 446, քովի-հյուրանոցներում է գտնվում 1 225 քաղաքացի:

Վրաստանում կորոնավիրուսի առաջին դեպքը գրանցվել է 2020 թվականի փետրվարի 26-ին: