Ռուսաստանում մեկ օրում կորոնավիրուսով վարակման 34 690 դեպք է հայտնաբերվել։ Վարակման դեպքերի թիվը հասել է 9 502 879-ի։ Այս մասին ուրբաթ լրագրողներին հայտնել է նոր վարակի դեմ պայքարի դաշնային օպերատիվ շտաբը, փոխանցում է ՏԱՍՍ-ը։

Հարաբերական առումով դեպքերի աճը կազմել է 0,37%։ Կորոնավիրուսից ապաքինված ռուսաստանցիների թիվն օրական ավելացել է 36 145-ով, ընդհանուր առմամբ արդեն ապաքինվել է 8 200 971 մարդ։