News
Լրահոս
News
Երեքշաբթի
Մարտ 19
Տեսնել լրահոսը

Մինչ այժմ կորոնավիրուսի «օմիկրոն» շտամ է հայտնաբերվել 38 երկրներում։ Այս մասին ուրբաթ Ժնեւում հայտարարել է Առողջապահության համաշխարհային կազմակերպության (ԱՀԿ) փորձագետ Մարիա վան Կերխովը, փոխանցել է ՏԱՍՍ-ը։

«Մեզ հաղորդել են [«օմիկրոն» տարբերակի մասին] 38 երկրներից», - ասել է նա՝ պարզաբանելով, որ խոսքը պետությունների մասին է, որոնք տեղակայված են ԱՀԿ-ի «բոլոր վեց տարածաշրջաններում»:

Նրա խոսքով՝ Հարավային Աֆրիկայից ստացված տեղեկատվության համաձայն՝ այնտեղ վարակվածների թիվն աճում է։ «Ենթադրություն կա, որ «օմիկրոն» շտամն ավելի վարակիչ է»,- ասել է փորձագետը։ «Սակայն մենք պետք է հասկանանք, թե արդյոք այն ավելի թե պակաս վարակիչ է «դելտա» տարբերակի համեմատ, որը դեռ գերիշխում է աշխարհում»:

Ըստ Կերխովի՝ տեղեկություն է ստացվել, որ «օմիկրոն» տարբերակով վարակվելը տարբեր ծանրության հիվանդություններ կարող է առաջացնել՝ «թեթեւներից մինչեւ ծանրերը»։ Բացի այդ, ՀԱՀ-ից ստացված տվյալների համաձայն, այս երկրում աճում է կորոնավիրուսով հիվանդների հոսպիտալացումների թիվը։ ԱՀԿ-ն ցանկանում է պարզել՝ արդյո՞ք դա պայմանավորված է «բնակչության մեջ տարածվող վարակներով», թե՞ հոսպիտալացում պահանջող ծանր հիվանդությունը «օմիկրոն» տարբերակն է առաջացնում: Պարզելու համար «որոշակի ժամանակ կպահանջվի»։  

Փորձագետը պարզաբանել է, որ դեռ պարզ չէ, թե COVID-19-ի դեմ ներկայումս առկա պատվաստանյութերն ինչպես են ազդում այս շտամի վրա։ «Սա մեծ հարց է մեզ համար։ Պատվաստանյութերի ազդեցությունը հասկանալու համար ժամանակ կպահանջվի», - ընդգծել է Կերխովը:

Ինչպես պարզաբանել է ԱՀԿ Արտակարգ իրավիճակների ծրագրի տնօրեն Մայքլ Ռայանը, դեռեւս չկան որեւէ տվյալներ, որ «օմիկրոն»-ի դեմ պայքարի համար կորոնավիրուսի դեմ պատվաստանյութերը փոխելու կարիք կլինի։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ադրբեջանում հերթական անգամ երկարացվել է հատուկ կարանտինային ռեժիմը
Ադրբեջանում երկարացվել է կարանտինը...
COVID-19-ի ժամանակ կիրառված սահմանափակումների հետևանքով տնտեսական զարգացումը կարող է 40 տարով դանդաղել աշխարհում
Կարող են գնաճային ռիսկեր դիտվել․․․
Հավատացյալներն ավելի լավ են վերապրել կորոնավիրուսային համաճարակը․ հետազոտություն
Covid-19-ի բացասական հետևանքներից մեկը եղել է հոգեկան առողջությանը հասցված…
Չինացի գիտնականները հայտնաբերել են COVID-19-ը ԱՀԿ-ին տեղեկացնելուց երկու շաբաթ առաջ. WSJ
Չինացի հետազոտողները հայտնաբերել են SARS-CoV-2 վիրուսի գրեթե ամբողջ կառուցվածքը...
Դեղը, որը Թրամփը «հրաշք» է անվանել, աշխարհում 17 հազար մարդու մահվան պատճառ է դարձել
Հակամալարիայի դեղամիջոցը նշանակվել է որոշ հիվանդների, որոնք հոսպիտալացվել են COVID-19-ով համաճարակի առաջին ալիքի ժամանակ...
ԵՄ-ը կկորցնի 2,2 մլրդ դոլար COVID-ի դեմ ժամկետանց դեղամիջոցի պատճառով
Եվրոպան COVID-ի պատճառով կկորցնի 2,2 մլրդ դոլար...
Ամենաշատ