News
Լրահոս
News
Չորեքշաբթի
Հոկտեմբեր 05
USD
406.49
EUR
402.22
RUB
6.9
Տեսնել լրահոսը


«Սուրմալու» առևտրի կենտրոնի այն վայրից, որտեղ քիչ առաջ լսվել էին մարդկանց ձայներ, դեռ որոնողափրկարարական աշխատանքներ են իրականացվում, սակայն ցավոք սրտի դեռ արդյունք չունենք, այս մասին լրագրողների հետ զրույցում ասաց Արտակարգ իրավիճակների նախարարի առաջին տեղակալ Արտյուշ Գրիգորյանը։

Հարցին, թե հավանականությունը որքանով է մեծ, որ փլատակների տակ մնացած քաղաքացիները կարող են ողջ լինել, փոխնախարարն ասաց․«Ցավոք սրտի, հավանականությունը փոքր է, որ մենք փլատակների տակից կարող ենք հայտնաբերել ողջ քաղաքացիների, բայց հուսանք, որ դա տեղի կունենա այնուամենայնիվ»։

Հարցին, թե ինչ բարդությունների կան փրկարարական աշխատանքներում, Արտյուշ Գրիգորյանն ասաց, որ փրկարարական աշխատանքներին խոչընդոտում է առաջին հերթին այրված շինության առկայությունը, ԱԻՆ–ը շենքի բոլոր կողմերից իրականացնում է փրկարարական աշխատանքներ, քանի որ շինության ներսում ևս կարող են լինել կորած քաղաքացիներ։

«Բայց քանի որ շենքը ցանկացած պահի կարող է փլուզվել, հետևաբար դա որոշակի բարդություններ է առաջացնում։ Դրան զուգահեռ ամբողջ տարածքը լեփ–լեցուն է փլատակներով,  երկատբետոնե կոնստրուկցիաներով, տեղաշարժվելը բավականին բարդ է, մենք անհրաժեշտություն ունենք այնտեղ ավելի ծանր տեխնիկա աշխատեցնելու, աշխատանքներն ավելի ինտենսիվ դարձնելու համար, բայց միևնույն ժամանակ ինքներդ հասկանում եք, որ փլատակների մեջ կարող են մարդիկ լինել, ինչը որոշակի նրբություններ և բարդություններ է առաջացնում։ Հետևաբար՝ ծանր տեխնիկային զուգահեռ, նաև մարդու ձեռքերն են աշխատում»,– ասաց նա։

Հարցին, թե արդյոք այլ երկրներից օգնություն խնդրելու անհրաժեշտություն կա, փոխնախարարը բացասական պատասխան տվեց՝ նշելով, որ ԱԻՆ-ի ռեսուրսները բավարարում են։

Արտյուշ Գրիգորյանը նաև ասաց, որ կամավորներին ներգրավում են փրկարարական աշխատանքներում, սակայն խուսափում են նրանց ներգրավել ավելի պորֆեսիոնալ հմտություններ պահանջող գործողություններում, քանի որ կամավորները աշխատանքի ընթացքում կարող են իրենք իրենց վնասել։

Փոխնախարարը նաև դժվարացավ ասել, թե դեռ կոնկրետ քանի օր կշարունակվեն աշխատանքները, թեև նշեց, որ դրանք դեռ մի քանի օր կտևեն։ «Վաղը՝ օրվա երկրորդ կեսին, մենք արդեն որոշակի պատկերացում կունենանք, թե գոնե մոտավորապես երբ կարող ենք ավարտել փրկարարական աշխատանքները»։

Հիշեցնենք, որ «Սուրմալու» առեւտրի կենտրոնում օգոստոսի 14-ին տեղի ունեցած պայթյունից հետևանքով կա 7 զոհ, անհետ կորած է համարվում 23 քաղաքացի։ Որոնողական աշխատանքներին մասնակցում է 350 փրկարար, նրանց օգնում է նաև մոտ 150 կամավոր։ Տուժածների ընդհանուր թիվը 61 է։ Տարբեր հիվանդանոցներում բուժումը շարունակում է 13 տուժած, նրանց առողջական վիճակը գնահատվում է բավարար: Մյուս հոսպիտալացվածները վիճակի դրական դինամիկայով դուրս են գրվել: Փլատակների տակից նաև 21 ավտոմեքենա է դուրս բերվել։




 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Սուրմալուի» պայթյունից մեկուկես ամիս անց շինաղբից մաքրվում եւ ապամոնտաժվում է կիսաքանդ շինությունը
Աշխատանքներն ավարտին հասցնելու համար 3 ամիս է տրվել, բայց կարծում ենք՝ 40–45 օրվա ընթացքում կավարտվենք...
Ուժեղ քամու հետեւանքով «Սուրմալու» առեւտրի կենտրոնի պատի փլուզման վարույթով տուժող է ճանաչվել 4 անձ
Դեպքի վայրում քննչական, ապացուցողական ու վարույթային գործողությունները ավարտելուց հետո օրենքով սահմանված կարգով այդ մասին հայտնվել է իրավասու մարմիններին...
«Սուրմալուի» սեփականատերը դիմելու է քաղաքապետարան կիսափլուզված շենքի ապամոնտաժման համար․ Հրաչյա Սարգսյան
Քաղաքապետարանը լիազորություն չուներ այդտեղ, պետք է սեփականատիրոջ կողմից դիմում լիներ․․․
Քաղաքապետարանը մեղք չունի. ավագանու խորհրդի անդամը՝ «Սուրմալու» առեւտրի կենտրոնի շենքի փլուզման առիթով
Իրեղեն ապացույց եղող շենքը պետք է սահմանազատվեր...
Ինչո՞ւ քաղաքապետարանը չի քանդում «Սուրմալու»-ի վնասված շենքը. Ավինյանը խոստովանեց, որ այստեղ խնդիր կա
Իմ մասին տարբեր ժամանակներում ինչ ասես չեն խոսել, հիմա էլ, ենթադրում եմ…
«Սուրմալու»-ի պայթյունի քրեական վարույթով հարցաքննվել է 130 անձ, կալանավորված 3 մեղադրյալներից 1-ն ազատ է արձակվել
«Սուրմալու»-ում պայթյունի հետեւանքով 16 զոհ կա, մեկ քաղաքացի էլ համարվում է անհետ կորած…
Ամենաշատ