News
Լրահոս
News
Երկուշաբթի
Հունվար 30
USD
395.53
EUR
393.43
RUB
6.42
Տեսնել լրահոսը

Այս տարվա 13 նոյեմբերին Միլանի Սբ. Քառասուն Մանկունք եկեղեցու պատարարագը անցավ Արևմտյան Եվրոպայի Հայրապետական Պատվիրակ Տ. Խաժակ Արք. Պարսամյանի նախագահությամբ։

Պատարագի ավարտին Սրբազան Հայրն իր պատգամը փոխանցեց հավատացյալներին՝ նշելով, որ ինչպես մարմնի տարբեր անդամներն ունեն իրենց կարևոր նշանակությունը, այնպես էլ եկեղեցին՝ ի գլուխ ունենալով Քրիստոսին, ընթանում է իր բազմաթիվ անդամներով։ Ամեն մեկը մի կարևոր առաքելություն ունի եկեղեցու կյանքում։ Սրբազան Հայրը մասնավորեցնելով իր խոսքը՝ առանձնահատուկ գնահատանքը բերեց համայնքի երկու երախտավոր անձերին՝ 90-ամյա Երվանդ սարկավագ Երեցյանին, որ 6 տասնամյակ է արդեն, ինչ անձնվիրաբար ծառայում է եկեղեցուն և վառ օրինակ է մի քանի սերնդի համար, ինչպես նաև Լուսի Բալյանին, որ իր ազնիվ նվիրատվությամբ՝ ի հիշատակ իր զարմիկների՝ Անդրանիկ և Օհաննես Ճերճերյանների, նախատեսել է Տավուշի թեմում քաղցկեղով հիվանդ երեխաների վերականգնողական և հոգևոր կենտրոն հիմնել՝ Տավուշի թեմի առաջնորդ Տ. Բագրատ Եպս. Գալստանյանի նախաձեռնությամբ։

Խոսքի ավարտին Սրբազան Հայրը հրավիրեց պատարագիչ՝ Իտալիո հոգևոր հովիվ Տ. Ներսես Աբղ. Հարությունյանին, ընթերցելու երկու Հայրապետական սրբատառ կոնդակ, որոնցով Սբ. Ներսես Շնորհալի շքանշան էր շնորհվում Երվանդ սարկավագ Երեցյանին և Սբ. Գրիգոր Լուսավորիչ շքանշան՝ տիկին Լուսի Բալյանին։

Իր գնահատանքի խոսքը հնչեցրեց՝ հանուն Սբ. Քառասուն Մանկունք եկեղեցու հոգաբարձուների խորհրդի, նաև ատենապետ Սարո Խոդավերդյանը։

Տպել
Կարդացեք նաև
Ամբողջը
Ամենայն Հայոց Կաթողիկոսը մեկնեց Մեծ Բրիտանիա
Նորին Սրբությանը ուղեկցում է Մայր Աթոռ Սուրբ Էջմիածնի քարոզչական կենտրոնի …
Այսօրվանից մեկնարկում է Առաջավորաց պահքը
Մեր եկեղեցու հայրերը սրան մի քանի բացատրություն են տալիս...
Հայ եկեղեցին նշում է Սուրբ Գրիգոր Աստվածաբանի հիշատակության օրը
Ս. Գրիգոր Աստվածաբանը կամ Նազիանզացին ծնվել է 328 թվականին Կապադովկիայի Նազիանզ գյուղաքաղաքի մոտ գտնվող Արիանզ գյուղում Գրիգոր...
Ստամբուլի հայկական կաթոլիկ Սուրբ Փրկիչ եկեղեցին 19–րդ դարում կանխել է տարածվող ժանտախտը. Hurriyet
Սուլթան Մահմուդ 2-րդը որպես շնորհակալություն հայկական Սուրբ Փրկիչ եկեղեցուն 8 անկյուն ունեցող բարձրորակ ադամանդներից զարդ է նվիրում...
Ստամբուլի հայկական կաթոլիկ եկեղեցու  հոգաբարձուների խորհրդի նախագահը հայտարարություն է արել
Սուրբ Փրկիչ եկեղեցու կացարանային մասում հրդեհ է բռնկվել, որի հետեւանքով մահացել են 75–ամյա տղամարդ եւ 78–ամյա մի կին...
Ստամբուլի հայ կաթոլիկ եկեղեցու հրդեհված հյուրատնից 3 հոգի հասցրել է դուրս գալ. Գոչունյանը մանրամասներ է պատմում
Կաթողիկե հայերի հոգեւոր առաջնորդ գերապայծառ Լեւոն արքեպիսկոպոս Զեքիյանը հոգեւոր հոր ուղեկցությամբ եւս տեղ է հասել՝ իրավիճակին հետեւելու համար...
Ամենաշատ
Ֆոտոռեպորտաժներ