Վրաստանի նախկին նախագահ Միխեիլ Սաակաշվիլիի որդին՝ Էդուարդը, ասել է, որ հորը արտասահման բուժման համար տեղափոխելու հավանականությունը մեծանում է՝ կախված քաղաքական գործչի վիճակի վերաբերյալ միջազգային կոնսենսուսից, հայտնում է վրացական Առաջին ալիքը։ Նրա խոսքով, հանրապետության նախկին ղեկավարի ընտանիքը պատրաստ էր հայրենիքում ազատազրկմանը, բայց ոչ ներկայիս առողջական վիճակին։
«1,5 տարի առաջ, ես՝ որպես նրա որդի, սկսեցի պատրաստվել նրան, որ, այո, նա հավանաբար կմեկնի Վրաստան, եւ միգուցե, նրան երկար ժամանակով կազատարզկեն, ես դրան պատրաստվում էի։ Բայց մենք պատրաստ չէինք, որ նա պետք է պայքարի իր կյանքի համար։ Ինձ միշտ չէ, որ թույլ են տվել լինել նրա հետ [հայրենիքում ազատազրկվելուց հետո], գնալով նա ավելի էր թուլանում․․․ հայրս շատ է ուզում ապրել։ Ահա թե ինչու ենք մենք այստեղ։ Մենք այստեղ ենք, քանի որ ուզում ենք ելք գտնել այս սարսափելի վիճակից», - Ստրասբուրգում հանդիպմանն ասել է Սաակաշվիլին։
Ինչպես նշել է Վրաստանի նախկին նախագահի որդին, ներկայումս շատ քաղաքական գործիչներ եւ կազմակերպություններ կոչ են անում Սաակաշվիլիին բուժման համար արտասահման տեղափոխել։ Նա հավելել է, որ հավատում է այդ հնարավորությանը։
