Այսօր լրանում է Իրանի բալիստիկ հրթիռների ծրագրին վերաբերող բոլոր անարդար սահմանափակումների ժամկետը, հայտարարել է Իրանի փոխարտգործնախարար Ալի Բաղերի Կանին, փոխանցում է Mehr-ը։

«Հոկտեմբերի 18-ից, համաձայն Անվտանգության խորհրդի 2231 բանաձևի՝ բոլոր սահմանափակումները, որոնք անարդարացիորեն կիրառվել են բալիստիկ հրթիռների հետ կապված գործողությունների և Իրանի Իսլամական Հանրապետություն տեղափոխությունների նկատմամբ, կդադարեն»,- գրել է Կանին իր X միկրոբլոգում:

Նրա խոսքով՝ Իրանն այլևս չի ենթարկվում որևէ սահմանափակման ՄԱԿ-ի Անվտանգության խորհրդի շրջանակներում։ Այսօրվանից 2231 բանաձևի ցուցակում ընդգրկված ֆիզիկական անձանց և կազմակերպությունների վրա դրված բոլոր սահմանափակումները, ներառյալ սառեցված ակտիվները, և ցուցակը կհեռացվեն ՄԱԿ-ի կայքից:

Բաղեին նշել է, որ 2231 բանաձեւի հիման վրա Իրանի դեմ ազգային կամ տարածաշրջանային մակարդակով սահմանված բոլոր սահմանափակող միջոցներն ու պատժամիջոցները պետք է չեղարկվեն։ «Նման սահմանափակումների պահպանումը կամ այդ շրջանակներում նոր պատժամիջոցների կիրառումը 2231 բանաձեւի համատեքստի ակնհայտ խախտում է»,-ընդգծել է իրանցի դիվանագետը։