Պակիստանում Փենջաբ նահանգի Կասուր քաղաքի բնակիչները բողոքել են, որ կոկորդիլոսն ահաբեկում է իրենց, հայտնում է Pakistan Observer-ը։
Վեց մետրանոց սողունը տեղավորվել է Սուտլեջ գետում, իսկ վերջերս սողացել է ափ ու ամբողջ օրն այնտեղ եղել՝ սարսափեցնելով քաղաքաբնակներին։ Մեծ թվով մարդիկ եկել էին նայելու հսկայական կոկորդիլոսին։ Այժմ տեղի բնակիչները, ովքեր հաճախ են նավով ճանապարհորդում, ստիպված են փոխել իրենց սովորական երթուղին։
«Ցանկացած պահի նման կենդանին կարող է նավակը քարշ տալ ջրի տակ»,- ասում են մարդիկ, ովքեր վախենում են, որ կոկորդիլոսը կարող է նրանց ուտել:
