Վրաստանի նախագահ Սալոմե Զուրաբիշվիլին հայտարարել է, որ իր վրա ճնշում է Եվրախորհրդարանը՝ կապված պետության նախկին ղեկավար Միխեիլ Սաակաշվիլիին ներում շնորհելու հարցի հետ, գրում է Interpressnews-ը։
«Սա (ներումը) իմ հայեցողական իրավունքն է։ Ես դա ասել եմ ոչ միայն այստեղ, այլ նաև արտերկրում, քանի որ Եվրախորհրդարանից, ինչպես նաև տարբեր տեղերից կան առաջարկներ և ճնշումներ»,- լրագրողների հետ հանդիպման ժամանակ ասել է Վրաստանի նախագահ Սալոմե Զուրաբիշվիլին՝ ի պատասխան Միխայիլ Սահակաշվիլին ներում շնորհելու մասին հարցին։
Նա նաև մեկնաբանել է Սահակաշվիլիի քաղաքացիությունը վերականգնելու հարցը։
«Չի եղել, խնդրանք չկա, հիպոթետիկ հարցերին չեմ պատասխանում»,- ասաց նա։
«Հասարակությանը, չգիտեմ ինչու, համոզում են, որ իմ ասածը նշանակություն չունի, և պարզվում է, որ բոլորն ինձնից լավ գիտեն՝ ինչ եմ անելու, ինչը՝ ոչ։ Ես մի անգամ ասել եմ՝ սա իմ հայեցողությունն է։ Ես խոսել եմ ոչ միայն այստեղ, այլ նաև դրսում, սա վերջերս շեշտեցի Լոնդոնում, քանի որ Եվրախորհրդարանի կողմից, ինչպես նաև տարբեր տեղերից առաջարկներ և ճնշումներ կան։ Ես ասել եմ, որ ոչ մի ճնշման տակ որոշում չեմ կայացնի՝ ո՛չ ներքին, ո՛չ արտաքին ճնշման տակ։ Այս հարցում միջամտությունները «չեն անցնի»: Եթե վերադառնամ իմ ասածին, այլ ոչ թե իմ ասածի մեկնաբանությանը, ապա «բայց» գոյություն չունի»,- հավելել է Վրաստանի նախագահը։