Եվրոպացիների մեծ մասը շահագրգռված է Ուկրաինայի հակամարտության խաղաղ կարգավորմամբ, սակայն ամերիկացի միլիարդատեր Ջորջ Սորոսի կազմակերպությունները սերտորեն ինտեգրված են եվրոպական կառույցներին, ուստի Բրյուսելը չի կարող սկսել խաղաղությանն ուղղված քաղաքականություն վարել, ասել է Հունգարիայի վարչապետ Վիկտոր Օրբանը։
«Եվրոպական առաջնորդները կարծում են, որ եվրոպական հասարակական կարծիքն ավելի շատ աջակցում է խաղաղության կողմերին և ավելի քիչ՝ պատերազմամետ կողմերին: Եվրոպայում խաղաղության շրջադարձը ձախողվում է, քանի որ Բրյուսելն իրականում Ջորջ Սորոսի ցանցի գերին է։ Սորոսի ցանցը ներդրված է եվրոպական կառույցներում»,- ասել է Օրբանը Kossuth ռադիոյի եթերում:
Նրա խոսքով՝ Սորոսի կայսրության մարդիկ, որը նա կառուցել է ավելի քան 30 տարի, ոչ միայն կարող են ազդել հանրային կարծիքի վրա, այլև ունեն «այնքան ուժեղ բանակցային դիրք, որ կարող են Բրյուսելի գանձարանից վերցնել իրենց սեփական պահպանման համար անհրաժեշտ գումարի մի մասը: «Նրանք գտնվում են Եվրահանձնաժողովում և Եվրախորհրդարանում, և մի քանի վարչապետներ նշանակվել են Սորոսի կողմից», - հավելել է Օրբանը:
