նախընտրելի դարձնել
Ազգային ժողովի վերջին կառավարական ժամի ընթացքում մեզ հաջողվեց հասնել նրան, որ վարչապետ Նիկոլ Փաշինյանը հստակ հայտարարեց, որ ադրբեջանցի զինծառայողին դատարանի կողմից սահմանված կարգով մեղավոր ճանաչվելու դեպքում չի պատրաստվում արտահանձնել Ադրբեջանին։ Այս մասին ՀՀ Ազգային ժողովի ավանդական ճեպազրույցների ժամանակ հոկտեմբերի 8-ին հայտարարեց ընդդիմադիր «Ուժեղ Հայաստան» խմբակցության քարտուղար Տիգրան Աբրահամյանը։
Նրա խոսքով՝ Շաքի գյուղում տեղի ունեցած միջադեպն Ադրբեջանի նախաձեռնած փորձությունն էր, որը Նիկոլ Փաշինյանը չկարողացավ հաղթահարել։
«Ադրբեջանի նախագահ Իլհամ Ալիևը շարունակում է զիջումներ պահանջել Հայաստանից, իսկ Նիկոլ Փաշինյանը շարունակում է գնալ այդ զիջումներին։ Ըստ էության, սա վկայում է այն մասին, որ կառավարության ղեկավարն ընտրել է Հայաստանը ներսից թուլացնելու ճանապարհը, մինչդեռ Ալիևն այդ նույն խնդիրն իրագործում է դրսից», — պարզաբանեց Աբրահամյանը։
