Նախընտրելի
Հայաստանում ռուսական ավիաբազայի զինծառայողները Երեւանի ԱԻՆ-ի լեռնային պատրաստվածության կենտրոնում լեռնային տուրիզմի դասընթացներ են անցնում: Այս մասին հայտնել են Հարավային զինվորական օկրուգի մամուլի ծառայությունից:
Դասընթացները հատուկ ծրագրով վարում են փորձառու հրահանգիչները , որոնց շրջանակում սպաները կուսումնասիրեն լեռնային հանդերձանքը, լեռներով տեղափոխման տեխնիկաները, ուղղաձիգ շերտերի, քարայրերի եւ ջրային խոչընդոտների հաղթահարումը, լեռնային տարածքում կողմնորոշման հնարավարությունները, լեռնագնացային հատուկ պարանների ամրացման հնարավորությունները:
Դասընթացների տևողությունը կազմում է ավելի քան 50 ժամ: Նրանց մեջ մտնում են տեսական եւ գործնական դասնթացներ: Ամփոփիչ փուլի ավարտին սպաները կբարձրանան Արագած լեռան գագաթ, որի ամենաբարձր կետը ավելի քան 4000 մետր է: Դրա համար միջոցառման մասնակիցները կկրեն լեռնային հատուկ հանդերձանք, որի ծավալը միջինում հասնում է 20 կգ-ի:
Արագածը Հայաստանի տարածքի ամենաբարձր լեռն է: Խառնարանի շուրջ անկանոն ձեւով բարձրանում են 4 գագաթներ, որոնցից ամենաբարձրը` հյուսիսայինն է` 4090 մետր բարձրությամբ:
