նախընտրելի դարձնել«Բարգավաճ Հայաստան» կուսակցության հետ Րաֆֆի Հովհաննիսյանի հանդիպումը կախված է նրանից, թե արդյոք սա խելացի՞ քայլ է Րաֆֆի Հովհաննիսյանի կողմից եւ սխալ քայլ՝ ԲՀԿ-ի կողմից: Այս մասին այսօր՝ մարտի 5-ին, լրագրողների հետ հանդիպմանն ասաց Տարածաշրջանային հետազոտությունների կենտրոնի տնօրեն Ռիչարդ Կիրակոսյանը:
«Պարոն Հովհաննիսյանը հանդիպեց Սերժ Սարգսյանի հետ, դա լավ քայլ էր, եթե նա ուզում էր ներգրավել բոլոր քաղաքական կուսակցություններին, բայց ԲՀԿ-ի համար նրա արած հայտարարությունը եւ այդ հանդիպումը հուսալքության արդյունք է: ԲՀԿ-ն ուզում է ամեն ինչ անել ցուցադրելու համար, որ քաղաքականապես ինքը գոյություն ունի, բայց ԲՀԿ-ն ամենավատ դիրքում է հայտնվել, ոչ ընդդիմություն է, ոչ իշխանություն, ոչ մի տեղ չունի գնալու եւ այժմ լուրջ թուլացել է»,- նշեց նա:
Ռիչարդ Կիրակոսյանի կարծիքով՝, չպետք է լուրջ սպասելինքեր ունենալ այդ հանդիպումից, եւ «ընդհանուր առմամբ դա ավելի խելացի քայլ կարելի է համարել Րաֆֆի Հովհաննսիյանի կողմից»:
«Կարեւոր նշանակություն ունեցավ Սերժ Սարգսյանի հետ հանդիպումը, դա ներկայացրեց նոր քաղաքական ավանդույթ, բարձրացրեց քաղաքականության մակարդակը: Նախագահ Սարգսյանի համար մեծ մարտահրավեր է, որովհետեւ Հայաստանի քաղաքական պատմության մեջ առաջին անգամ նախագահը հանդիպեց իր մրցակցին, ով ժպտում էր եւ սեղմում էր իր ձեռքը»,- նշեց նա:
