Այսօր՝ ապրիլի 6-ին, ժամը 11.49-ին տեղեկություն է ստացվել, որ Տավուշի մարզի Բերդ քաղաքի Կոմունայի թաղամասում այրվում է ավտոտնակ:

Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ: Պարզվել է, որ հրդեհը բռնկվել է Բաղրամյան փողոցի թիվ 31 հասցեում:

Հրդեհը մեկուսացվել է 12.12-ին, մարվել` 12.22-ին:

Այրվել է Ժ.Մելիքյանին պատկանող ավտոտնակի տանիքը` 24 ք.մ և «ՎԱԶ-2106» մակնիշի 59 SS 264 համարանիշի ավտոմեքենան` ամբողջությամբ: