նախընտրելի դարձնելԼատվիայի սեյմը (խորհրդարանը) ձայների մեծամասնությամբ ընդունել է Երեխաների իրավունքների պաշտպանության օրենքի փոփոխությունը, որն արգելում է ծնողներին ծխել երեխաների ներկայությամբ, հայտնում է ԻՏԱՌ-ՏԱՍՍ-ը՝ վկայակոչելով Լատվիայի խորհրդարանի մամուլի ծառայությանը:
Ընդունված փոփոխություններն ընդլայնում են երեխաների նկատմամբ գործադրվող զգացմունքային եւ ֆիզիկական բռնության հասկացությունները: Այդպես «ֆիզիկական բռնություն» սահմանման տակ հասկացվում է կյանքի կամ առողջության համար վտանգավոր ուժի կիրառում, ինչպես նաեւ երեխային գիտակցված կերպով արտաքին գործոնների ազդեցությանը ենթարկելը, որոնցից մեկն էլ ծխախոտի ծուխն է:
Պատգամավոր Ինարա Մուրնիեցեն հույս է հայտնել, որ խորհրդարանի ընդունած փոփոխությունները կստիպեն մարդկանց մտածել երեխաների առողջության մասին եւ գիտակցել ծխելու բացասական ազդեցությունը: Ըստ պատգամավորի՝ փոփոխությունը չի ենթադրում, որ ծխող հայրը կամ մայրը զրկվելու են ծնողական իրավունքներից:
