նախընտրելի դարձնելԵթե Վրաստանում իրադրությունը չշտկվի, ապա դա կարող է խոչընդոտներ ստեղծել ասոցացման մասին համաձայնագրի ստորագրման համար: Twitter-ի իր միկրոբլոգում նման հայտարարություն է տեղադրել Եվրոպական ժողովրդական կուսակցության նախագահ Վիլֆրեդ Մարտենսը:
Նա կարծում է, որ Վրաստանում նախկին բարձրաստիճան պաշտոնյաների ձերբակալությունները բազմաթիվ հարցեր են հարուցում, գրում է «Գռուզիա Online»-ը:
Եվրանեստի վերջերս տեղի ունեցած նիստին Եվրոպական ժողովրդական կուսակցությունը փորձել է ամփոփիչ բանաձեւում հայտարարություն մտցնել՝ Վրաստանում եւ Ուկրաինայում ընտրողական արդարադատության դատապարտմամբ:
Ըստ Մարտենսի՝ նմանատիպ համաձայնագիր չի ունենա նաեւ Ուկրաինան, եթե Կիեւը չկատարի ԵՄ-ի ներկայացրած պայմանները, որոնց շարքում է նաեւ նախկին վարչապետ Յուլյա Տիմոշենկոյին ազատելու պահանջը:
