նախընտրելի դարձնելՑարնաեւի ընկերոջ՝ ՀԴԲ-ի գործակալների կողմից սպանված Իբրահիմ Տոդաշեւի մարմինը Ֆլորիդայից Մոսկվա են տեղափոխել հունիսի 20-ին, իսկ այնտեղից՝ հատուկ չվերթով՝ Գրոզնի:
Ինքնաթիռը ժամանելուն պես հանգուցյալին տարել են գերեզմանատուն՝ Տոդաշեւների ընտանեկան գերեզմանոցում հուղարկավորելու համար:
Սպանվածի հայրը՝ Աբդուլակի Տոդաշեւը, մեկ ամիս փորձում էր հասնել որդու մարմինը տեղափոխելու թույլտվության, սակայն ՀԴԲ-ից թույլտվություն ստացվել էր միայն այն ժամանակ, երբՌուսաստանի ԱԳՆ-ն պայմանավորվել էր ԱՄՆ-ի ուժային կառույցների հետ:
Հուղարկավորությունն անցկացվել է մահմեդական ավանդույթով եւ շարունակվել մոտ կես ժամ, գրում է Life News-ը:
Ամերիկայի հատուկ ծառայությունների տվյալով՝ Իբրահիմը խոստովանել էր եռակի սպանության իր մասնակցությունը: ԱՄՆ-ի պաշտոնական աղբյուրների համաձայն՝ հարցաքննության ժամանակ Տոդաշեւը ագրեսիվ վարք է դրսեւորել, ինքնապաշտպանության դիմած ՀԴԲ-ի գործակալներն էլ սպանել են նրան:
