նախընտրելի դարձնելՄոնղոլիայի գործող նախագահ Ցախիագիյն Էլբեգդորժը հաղթել է նախօրեին կայացած նախագահական ընտրություններում: Ըստ ԿԸՀ-ի տվյալների` Մոնղոլիայի դեմոկրատական կուսակցությունը ներկայացնող Էլբեգդորժը հավաքել էր 50,22% ձայն:
Նրա գլխավոր մրցակից , հայտնի նախկին բռնցքամարտիկ Բաթմաանյամբուգիյն Բաթ Էրդենեն ստացել է ձայների 41,48%-ը: Մոնղոլիայի պատմության մեջ նախագահական ընտրություններին մասնակցած առաջին կինը՝ առողջապահության նախարար Նացագիյն Ուդվալը, ստացել է ձայների 8,3% -ը:
Ընտրելու իրավունք ուներ 1,8 միլիոն մարդ։ Ընտրություններին մասնակցությունը կազմել է 64%, գրում է «Ռոսբալտը»:
Էլբեգդորժի կառավարման ընթացքում Մոնղոլիան դարձել է ներդրումային բարենպաստ գոտի, 2011թ. դրա ՀՆԱ-ն աճել էր 17%-ով, իսկ անցյալ տարի` 12%-ով: Ըստ ԱՄՀ-ի` վերջին տարիներին Մոնղոլիայի տնտեսությունը աշխարհում դինամիկ զարգացող երկրների հնգյակում է:
