նախընտրելի դարձնելԱՄՆ-ում վթարի է ենթարկվել F-16 կործանիչը: Ռազմական օդանավն ընկել եւ պայթել է ԱՄՆ-ի Արիզոնա նահանգի Գլենդել քաղաքում: Օդանավի բեկորները ցրվել են շրջակա փողոցներով մեկ:
ԱՄՆ-ի ռազմաօդային ուժերի Լյուկ կայանից մեկնած կործանիչի երկու օդաչուները ողջ են մնացել:
Դեպքի վայր են ժամանել բժիշկները եւ փրկարարները, օդաչուների վիճակի մասին տեղեկություներ չկան, հաղորդում է ԻՏԱՌ-ՏԱՍՍ-ը: Ըստ նախնական տվյալների` բնակիչներից ոչ ոք չի տուժել:
F-16-ն ԱՄՆ-ի ռազմաօդային ուժերի չորրորդ սերնդի օդանավ է: Դրա կառուցվածքը հնարավորություն է տալիս վտանգի դեպքում կատապուլտով դուրս նետվել մինչեւ 15 կմ բարձրությունից՝ 1100 կմ արագության պայմաններում:
