նախընտրելի դարձնել
Հայաստանում կսահմանափակեն ողջ դոնորների օրգանների եւ հյուսվածքների փոխպատվաստումը: Ըստ ՀՀ կառավարության նոյեմբերի 7-ի նիստում ընդունված որոշման՝ օրգանների փոխպատվաստումը կարգավորելու նպատակով էթիկայի մշտական հանձնաժողով կստեղծվի: Առողջապահության նախարար Դերենիկ Դումանյանը բացատրել է, որ ողջ դոնորների օրգանների եւ հյուսվածքների փոխպատվաստումը կթույլատրվի միայն հանձնաժողովի համաձայնության դեպքում:
Հանձնաժողովը կքննարկի փոխպատվաստման հիմնավորվածությունը, ինչպես նաեւ մանրամասն կճշտի՝ գիտեն արդյոք դոնորը եւ պատվաստվողը փոխպատվաստման հնարավոր վտանգների մասին: Երկու կողմն էլ պետք է հստակ տեղեկացված լինեն, որ փոխպատվաստման դիմաց ֆինանսական պարգեւատրումն անօրինական է, իսկ դոնոր կարելի է դառնալ միայն կամավոր հիմունքներով:
Մշտական հանձնաժողովի կազմը եւ գործունեության կարգը կհաստատի Հայաստանի վարչապետը:
