Լիբիայի մայրաքաղաք Տրիպոլիում նոյեմբերի 7-ին գրոհայինների միջեւ դարձյալ բախումներ են սկսվել, որոնք շարունակվել են ողջ գիշեր: 

Արաբական լրատվամիջոցները հայտնում են, որ ներկայումս քաղաքի հիվանդանոցներից տեղեկություն է ստացվել մեկ սպանվածի եւ 12 վիրավորների մասին: Ըստ  «Ալ Արաբիա» հեռուստաալիքի` զոհվել է երկու մարդ, վիրավորվել` 20-ը: Տուժածների շարքում կան խաղաղ բնակիչներ, հաղորդում է ԻՏԱՌ-ՏԱՍՍ-ը: 

Ըստ ոստիկանության` մարտը սկսվել էր, երբ Տրիպոլիի կենտրոն էին ներխուժել Միսուրաթա քաղաքի գրոհայինները` մի քանի ջիփերով:  Բացի ինքնաձիգներից, նրանց մոտ եղել են թնդանոթներ եւ  ականանետներ: Նրանք մայրաքաղաք էին ժամանել նախկին  «զինակից եղբայրներից» իրենց հրամանատարի մահվան  համար վրեժխնդիր լինելու, որը զոհվել էր նոյեմբերի 5-ին: 

Հրաձգությունը  սկվել է ծովափին, որտեղ բազմաթիվ քաղաքացիներ կային:  Նրանք բոլորը խուճապահար փախել են դեպքի վայրից: Այնտեղ գնտվող Radisson Blu հյուրանոցի ղեկավարությունը տեղափոխել է հյուրերի մի մասին, երբ  հյուրանոցի դռներին եւ ճակատային մասին փամփուշտներ եւ ռումբերի բեկորներ են դիպչել:

Մուամար Քադաֆիի ռեժիմի տապալումից հետո Լիբիայում չի հաջողվում կայունություն հաստատել: Իշխանությունը փաստացի  պատկանում է զինված խմբավորումներին: