նախընտրելի դարձնելԿենտրոնական Չինաստանի Հուբեյ նահանգի Սյանյան քաղաքի արվարձաններում հնագետները բուդդայական հնագույն նշխարներ են հայտնաբերել՝ շարիրա, հայտնում է «Սինհուա» գործակալությունը:
Շարիրաները բազմագույն հուլունքներ կամ բյուրեղներ են, որոնք ձեւավորվում են մահացածների դիակիզման ժամանակ: Բուդդայականները հավատում են, որ շարիրայի առաջանալը վկայում է հրկիզված մարմնի սրբության մասին, այդ պատճառով էլ ակնածանքով պահպանում են այն:
Մասունքները հնագետները հայտնաբերել են Մին կայսերական դինաստիայի (1368-1644 թթ.) ժամանակների պաշտոնյայի գերեզմանի պեղումների ժամանակ, որը գտնվում է Սյանշան լեռան ստորոտում: Հինգ շարիրաները ամրացված են եղել դագաղի խուփին: Դրանք բազմագույն են՝ կարմիր, նարնջագույն, երկնագույն, կապույտ եւ մանուշակագույն: Ամենախոշորի տրամագիծը 3 սմ է, փոխանցում է ՏԱՍՍ-ը:
«Ներկայիս գտածոն բացառիկ է, քանի որ, որպես կանոն, շարիրան տաճարներում է պահվում, սրբազան իրերի համար նախատեսված հատուկ սնդուկներում», - պատմել է Սյանյանի հնագիտական ինստիտուտի տնօրեն Չեն Ցյանվանը: Բոլոր գտածոները գիտնականները հանձնել են Սյանյան քաղաքի թանգարան:
