նախընտրելի դարձնելԳերմանիայի կանցլեր Անգելա Մերկելը մասնակցել է Բեռլինում տեղի ունեցած իսլամաֆոբիայի դեմ մահմեդական համայնքի կազմակերպած ցույցին:
Բրանդենբուրգի դարպասների մոտ հավաքվածները հարգել են Փարիզի ահաբեկչությունների զոհերի հիշատակը եւ կրոնական հանդուրժողականության եւ միասնականության կոչ արել, հայտնում է Agence France-Presse-ը:
Ցույցի կազմակերպիչներն էին Գերմանիայի Մահմեդականների կենտրոնական խորհուրդը, որը ներկայացնում մահմեդական է 28 տարբեր կազմակերպություններ, ինչպես նաեւ Բեռլինի թուրքական համայնքը:
Ըստ ARD հեռուստաալիքի՝ ցույցին մասնակցել է շուրջ տասը հազար մարդ: Բացի Մերկելից, ցույցին ներկա են եղել նաեւ հայտնի այլ քաղաքական գործիչներ՝ նախագահ Յոախիմ Գաուկը, փոխկանցլեր Զիգմար Գաբրիելը եւ կառավարության անդամներ:
Նշվում է, որ նրանք լսել են, թե ինչպես է իմամը Ղուրանից մարդուն կյանքից զրկելը դատապարտող հատվածներ կարդացել:
