նախընտրելի դարձնելՆավթի համաշխարհային գները հունվարի 15-ին կրկին նվազում են՝ նախօրեի կտրուկ բարձրացումից հետո,վկայում են սակարկությունների տվյալները։
Մոսկվայի ժամանակով ժ. 07.17 –ի դրությամբ (08.17 ՝ Երեւանի ժամանակով) Brent նավթի փետրվարյան ֆյուչերսների գինը նվազել է 1,03%-ով՝ մեկ բարելի դիմաց կազմելով 48,19 դոլար: WTI նավթի փետրվարյան ֆյուչերսների գինը նվազել է 0,68% -ով՝ մեկ բարելի դիմաց կազմելով 48,15 դոլար, հայտնում է «ՌԻԱ Նովոստին»:
Ըստ վերլուծաբանների՝ «սեւ ոսկու» արժեքի վերսկսված անկումը կապված է ներդրողների՝ նավթի գլոբալ ավելցուկի հետ կապված մտավախությունների հետ: Ըստ նրանց՝ անցյալ տարի սկսված նավթի գների կտրուկ անկումը կարող է շարունակվել:
Հունվարի 14-ին նավթի համաշխարհային գները սկսել էին աճել՝ նավթի պաշարների վերաբերյալ ԱՄՆ էներգետիկայի նախարարության տվյալների սպասումով. Brent նավթի արժեքը հասել էր մեկ բարելի դիմաց մինչեւ 48,24 դոլարի, WTI-ինը՝ մեկ բարելի դիմաց 47,87 դոլարի:
