Դիարբեքիրի նախկին քուրդ քաղաքապետ Օսման Բայդեմիրը պատրաստվում է առաջիկա ընտրություններում առաջադրվել պատգամավորի թեկնածու։

Թուրքական Haberturk-ի փոխանցմամբ՝ Օսման Բայդեմիրը քաղաքական դաշտ է վերադառնալու «Թուրքիան Թուրքիայում ապրող բոլոր էթնիկ խմբերինն է» կարգախոսի ներքո եւ պատրաստվում է քրդական «Ժողովուրդների դեմոկրատական»  (HDP) կուսակցության համար հզոր բլոկ ստեղծել։

Նշենք, որ Դիարբեքիրի նախկին քաղաքապետ Օսման Բայդեմիրը ընդունում է, որ Օսմանյան Թուրքիայում ցեղասպանություն է տեղի ունեցել եւ քրդերի անունից ներողություն խնդրել հայերից։

Օսման Բայդեմիրը 2014-ի հոկտեմբերին եկել էր Երեւան, այցելել Ծիծեռնակաբերդ եւ ծաղիկներ դրել անմար կրակի մոտ։