նախընտրելի դարձնել
Վարչապետ Հովիկ Աբրահամյանն այսօր ընդունել է Հայաստանի Հանրապետությունում Քուվեյթի Պետության արտակարգ եւ լիազոր դեսպան Բասսամ Մուհամմադ Ալ-Քաբանդիին:
Վարչապետը կարեւորել է Քուվեյթի հետ արդյունավետ համագործակցության շարունակականությունը, երկկողմ տնտեսական կապերի ակտիվացումը եւ խորացումը:
Երկուստեք հաջողված եւ արդյունավետ է գնահատվել ՀՀ վարչապետի՝ Քուվեյթ կատարած պաշտոնական այցը: Հովիկ Աբրահամյանը շնորհակալություն է հայտնել ՀՀ պատվիրակությանը ցուցաբերած ջերմ ընդունելության համար եւ համոզմունք հայտնել, որ այցի ընթացքում ձեռք բերված պայմանավորվածությունները կյանքի կկոչվեն: Դեսպան Բասսամ Մուհամմադ Ալ-Քաբանդին նշել է, որ ՀՀ վարչապետի այցը Քուվեյթ նոր խթան է հանդիսացել երկու երկրների տնտեսական հարաբերությունների զարգացման համար եւ հետագա ծրագրերի իրականացման հեռանկարներ բացել:
Հանդիպմանը զրուցակիցները քննարկել են հայ-քուվեյթյան համագործակցության օրակարգի մի շարք հարցեր, որոնք վերաբերում էին տարբեր ոլորտներում փոխգործակցության ընդլայնմանը եւ համատեղ ծրագրերի իրականացմանը:
