նախընտրելի դարձնել
Սառը պատերազմի ավարտից հետո ռուս-թուրքական հարաբերությունները նոր որակ են ստացել։ Այս մասին «ՌԻԱ Նովոստի»-ի հետ զրույցում ասել է Թուրքիայի նախկին արտգործնախարար, իշխող Արդարություն եւ զարգացում կուսակցության փոխնախագահ Մեվլութ Չավուշօղլուն։
«Ռուսաստանը մեզ համար կարեւոր գործընկեր է։ Սառը պատերազմի ավարտից հետո ռուս-թուրքական հարաբերությունները նոր որակ եւ չափում են ստացել։ Վիզային ռեժիմի չեղարկումը, 30 մլրդ դոլարի ապրանքաշրջանառությունը, միլիարդավոր ներդրումները եւ խոշոր նախագծերը մեր գործընկերությունը ռազմավարական են դարձրել»,- ասել է Չավուշօղլուն։
Նա նաեւ ընդգծել է, որ Ռուսաստանն ու Թուրքիան Ուկրաինայի, Ղրիմի եւ Սիրիայի հարցերում տարբեր դիրքորոշում ունեն։
