Ռումինիայում տեղի ունեցած ողբերգության զոհերի եւ վիրավորների թվում ՀՀ քաղաքացիներ չկան: Այս մասին հայտնել է Հայաստանի ԱԳՆ-ն Twitter-ի իր պաշտոնական միկրոբլոգում:

«Համաձայն առկա տեղեկատվության #Ռումինիայում տեղի ունեցած ողբերգության զոհերի&վիրավորների թվում ՀՀ քաղաքացիներ չկան»,-ասված է թվիթում:

Ավելի վաղ NEWS.am-ը հայտնել էր, որ նախօրեին Ռումինիայի մայրաքաղաք Բուխարեստի կենտրոնում՝ Colectiv գիշերային ակումբում,  Հելոուինին նվիրված երեկոյի ժամանակ՝ ռոք խմբի հրավառության շոուի ընթացքում, խոշոր հրդեհ է բռնկվել, որի հետեւանքով մահացել է 27 մարդ: Ավելի քան 180 մարդ էլ վիրավորվել է։