նախընտրելի դարձնել
Անհայտ անձը նռնակ է պայթեցրել բելգրադյան փռում, որը պատկանում էր Սերբիայի մշակույթի նախկին նախարար Բրատիսլավ Պետկովիչին:
Ինչպես ոստիկանությունից հայտնել են Ֆրանս Պրեսս գործակալությանը, պայթյունի հետեւանքով տղամարդ է զոհվել: Այլ զոհերի կամ տուժածների մասին գործակալությունը չի տեղեկացնում: Տեղի ԶԼՄ-ների տվյալների համաձայն, պայթյունից առաջ տղամարդը փռում բոլոր գտնվողներին ստիպել է դուրս գալ տարածքից: Նրա գործողության շարժառիթներն առայժմ պարզված չեն:
Սերբիայի մշակույթի նախկին նախարար Բրատիսլավ Պետկովիչն այժմ ղեկավարում է Բելգրադի թանգարաններից մեկը, հայտնում է BBC-ի ռուսական ծառայությունը:
Առայժմ հայտնի չէ, թե փռի պայթյունը կապված է տիրոջ քաղաքական թե ձեռնարկատիրական գործունեության հետ:
