նախընտրելի դարձնել
Բրյուսելում Հայաստանի դիվանագետները, քաղաքում գտնվող ԱԺ պատվիրակությունը չեն տուժել պայթյունների հետևանքով։ Այս մասին Twitter-ի իր միկրոբլոգում գրել է Հայաստանի ԱԳ նախարարության մամուլի քարտուղար Տիգրան Բալայանը:
Ավելի վաղ նա նշել էր, որ Բյուսելում Հայաստանի դեսպան Թաթուլ Մարգարյանը հետեւում է զարգացումներին:
Իր հերթին, Բրյուսելում ՀՀ դեսպանատունը Twitter-ի իր էջում տեղեկացրել է, որ քաղաքի մետրոյի բոլոր կայանարնները փակվում են եւ կոչ են արել ձեռնպահ մնալ օդանավակայան մեկնելուց ու խցանումներ չստեղծել:
Նշենք, որ այսօր՝ մարտի 22-ին Բրյուսելի օդանավակայանում որոտացած պայթյուններից 11 մարդ է զոհվել, ավելի քան 20-ը վիրավոր են։ Պայթյունները հնչել են թռիչքի սրահում՝ American Airlines ավիաընկերության սպասասեղանի մոտ։ Բոլոր չվերթները չեղարկվել են, օդանավակայանը փակ է։
Կասկածներ կան, որ կատարվածն ահաբեկչություն է:
