Լավրովն ու Քերրին քննարկել են Սիրիայի հարցով ՌԴ–ի եւ ԱՄՆ–ի համագործակցության հնարավորությունը

ՌԴ արտգործնախարար Սերգեյ Լավրովն ու ԱՄՆ պետքարտուղար Ջոն Քերրին հեռախոսազրույցով քննարկել են Սիրիայում գործող ահաբեկչական խմբավորումների դեմ պայքարում Ռուսաստանի եւ ԱՄՆ–ի համագործակցության հնարավորությունները, հայտնել են ՌԴ ԱԳՆ–ից։

«Քննարկվել է Սիրիայում տիրող իրավիճակը, այդ թվում՝ գործող ահաբեկչական խմբավորումների դեմ պայքարում համագործակցության հարցերը։ Լավրովը նորից շեշտել է «Ջաբհաթ ան Նուսրա» ամերիկամետ կողմնորոշմամբ սիրիական հակակառավարական ուժերի եւ «չափավոր» ընդդիմության անվան տակ գործող ջոկատների սահմանազատման անհրաժեշտությունը։ Նշվել է նաեւ Թուրքիայի հետ բաց սահմանով նրանց սնուցելու անթույլատրելիությունը»,– ասել են ԱԳՆ–ից։

Բացի այդ, Քերրին եւ Լավրովը քննարկել են նաեւ Ուկրաինայի հակամարտության թեման։

Սերգեյ Լավրովը ցավակցել է Ջոն Քերրիին Օռլանդոյի ողբերգության կապակցությամբ։