Երեւանի Խորենացի փողոցում հուլիսի 20-ին երեկոյան ոստիկանների եւ ցուցարարների միջեւ տեղի ունեցած բախման հետեւանքով նախնական տվյալներով այս պահին տարբեր բուժհաստատություններում են գտնվում 45 տուժած: Այս մասին հայտնում են Առողջապահության նախարարության լրատվական ծառայությունից:

18-ը տեղափոխվել է շտապօգնության մեքենաներով, մյուսները դիմել են ինքնուրույն։ Տուժածներից 25-ը ոստիկաններ են։ 

Բուժօգնությունը ցուցաբերվում է ամբողջական ծավալով և ժամանակին։

Առավել մանրամասն տեղեկատվություն կտրամադրվի առաջիկայում։