Ferrari 400i մարզական մեքենան, որը պատկանում էր The Rolling Stones ռոք խմբի կիթառահար Քիթ Ռիչարդսին, վաճառքի է դրվելու  Sotheby's աճուրդային տանը, գրում է Lenta-ն։

 Ferrari Leggenda e Passione աճուրդն անցկացվելու է իտալական Ֆյորանո Մոդենեզե քաղաքում սեպտեմբերի 9-ին ու ամբողջովին նվիրված է լինելու  Ferrari մակնիշի մեքենաներին։  134 լոտը Քիթ Ռիչարդսի հանձնարարությամբ ձեռք է բերվել խմբի մենեջեր Ալան Դանի կողմից 1983-ին։ Նման մեքենաներ են գնել նաեւ խմբի վոկալիստ Միք Ջագերն ու բաս կիթառահար Բիլ Ուայմանը։

 Ռիչարդսը մեքենան օգտագործել է Ֆրանսիայում ու Մեծ Բրիտանիայում՝ կարճաժամկետ ուղեւորությունների համար։ Մեքենայի ընդհանուր վազքը 3627 կմ է։ Գնահատված արժեքը՝ 125-175 հազար եվրո։ Մեքենան, ըստ մասնագետների, իդեալական վիճակում է։ Իսկ թե ինչու է Ռիչարդսը որոշել վաճառել այդ մեքենան, չեն հայտնում։