Արքայազն Հարին եւ իր հարսնացուն՝ ամերիկացի դերասանուհի Մեգան Մարկլը, կազմակերպված ժամադրության ժամանակ են ծանոթացել:

«Նա ուղղակի անսպասելի հայտնվեց իմ կյաքնում», - BBC-ին տված հարցազրույցում ասել է արքայազնը:

Նա նշել է, որ իր հանգուցյալ մայրը՝ Դիանան եւ Մեգանը լավագույն ընկերուհիներ կլինեին:

Մարկլը հումանիտար գործունեությամբ եւ ՄԱԿ-ում կանանց իրավունքների պաշտպանությամբ է զբաղվում:

Զույգը պատմել է, ինչպես էին իրենք տրամադրված այն հանդիպմանը, որն իրենց ընդհանուր ընկերն էր կազմակերպել եւ թե ինչպես են իրենք ավելի մոտ ծանոթացել Բոթսվանում:

 «Երեք թե չորս շաբաթ անց ինձ հաջողվեց համոզել նրան ինձ մոտ՝ Բոթսվան գալ: Մենք ճամբարում էինք ապրում: Դրանք ֆանտաստիկ օրեր էին», - ասել է Հարին:

Նա պատմել է նաեւ այն մասին, թե ինչպես է ամուսնության առաջարկություն արել Մեգանին:

Նրա խոսքով՝ դա տեղի է ունեցել Քենսինգթոնի պալատում կազմակերպված երեկոյի ժամանակ, երբ իրենք տապակած ճուտ են պատրաստել:

 «Դա ուղղակի զարմանալի անակնկալ էր. նա այնքան սիրալիր էր, բնական եւ ռոմանտիկ», - պատմել է Մեգանը:

«Նա անգամ չթողեց ես ավարտեի եւ ասաց՝ կարո՞ղ եմ ես «այո» ասել», - պատմել է Հարին:
Արքայազնի խոսքով՝ առաջին հանդիպման օրվանից, նա զգացել է,  որ Մեգանն «այն միակն է»:

33-ամյա Հարին եւ 36-ամյա Մարկլը առաջին անգամ հանրության առաջ են հայտնվել 2016-ի սեպտեմբերին «Անհաղթների խաղերի» բացման ժամանակ:

Նրանց հարաբերությունների մասին պաշտոնապես հայտարարվել էր 2016-ի նոյեմբերին:

Նոյեմբերի 27-ին պարզ դարձավ, որը զույգը նշանադրվել է: 

Ոսկե շրջանակով երեք ադամանդներով մատանունդիզայնը արքայազն էր մշակել:

Երկու քարերը նրա մորն են պատկանել՝ արքայադուստր Դիանային:

Հարսանիքը նախատեսված է 2018-ի գարնանը:

Ամուսնությունից հետո Մարկլը չի կարողանա արքայադուստր կոչվել, քանի որ չի պատկանում թագավորկան ընտանիքի:

Մեգան Մարկլը բրիտանական ընտանիք է մուտք գործում լինելով արդեն մեկ անգամ ամուսնալուծված եւ տոհմում խառնամուսնություններ ունենալով: Այնպես որ Մարկլը պետք է բրիտանական ընտանիքում կարողանա իր դիրքը գրավել: