նախընտրելի դարձնել
ՅՈՒՆԵՍԿՕ-ի կողմից ապիլի 18-ը հռչակել է Հուշարձանների եւ տեսարժան վայրերի պահպանության միջազգային օր:
Հաշվի առնելով օրվա խորհուրդը` նախատեսվում է մաքրման աշխատանքներ իրականացնել Աշտարակի, Գառնիի, Սանահինի, եւ Երեւանի Հաղթանակի կամուրջների ու դրանց հարող հատվածներում, ինչպես նաեւ վիշապաքարերի, պատմական բաղնիքների տարածքներում: Այս ակցիայի մասնակիցների` զինվորականների, դպրոցակաների եւ մնացած բոլորի համար մասնագետները կկարդան դասախոսություններ, կտրամադրեն հետաքրքիր տեղեկույթներ, կտան բացատրություններ: Կկազմակերպվեն նաեւ էքսկուրսիաներ:
Գեղարքունիքի, Շիրակի, Կոտայքի, Լոռու մարզերի դպրոցներում գործող «Պատանի հնագետներ», «Պատանի պատմաբաններ» խմբակների անդամների համար այդ օրը հուշարձանների տարածքներում կանցկացվեն բաց դասեր, կկազմակերպվեն «Հուշարձանները լուսանկարներում» շրջիկ ցուցահանդեսներ, «Արփի» բնապատմական արգելոցի տարածքում կիրականացվի ծառատունկ: Սյունիքի եւ Վայոց ձորի մարզերում միջոցառումներ կլինեն «Պահպանեք եւ ժառանգենք», «Հուշարձանները մեր ինքնությունն են» ակցիաների շրջանակներում:
Նշենք, որ այս տարի ՅՈՒՆԵՍԿՕ-ի «Ոչ նյութական մշակութային ժառանգության» ցուցակում ընդգրկելու համար ներկայացվել է «Վարդավառի ծես» հայտը:
Հուշարձանների եւ տեսարժան վայրերի միջազգային օրվա կապակցությամբ, կկազմակերպվի «Հուշարձաններն իմ աչքերով» լուսանկարչական մրցույթ-ցուցահանդես: Մրցույթի պայմանները կներկայացվեն ՀՀ մշակույթի նախարարության կայքում ապրիլի 18-ին:
