Անկախության 20 ամյակի տոնակատարությունների շրջանակում «Հայփոստ» ընկերությունը  հայտարարել է Փոստային նամականիշերի դիզայնի մրցույթ` 3,5 միլիոն դրամ մրցանակային ֆոնդով:

«Հայփոստից» NEWS.am-ին հայտնում են, որ անհատ նկարիչներին, դիզայներներին ու կազմակերպություններին հրավիրում ենք մասնակցելու փոստային նամականիշերի դիզայնի մրցույթին` Հայաստանի եւ ԼՂՀ անկախության 20-ամյակի թեմայով:

Մրցույթին կարող են մասնակցել բոլոր ցանկացողները: Կատարման տեխնիկան եւ նյութի ընտրությունն ազատ է, նորամուծությունների կիրառումը` խրախուսելի:

Պարգեւատրում.

Առաջին մրցանակ -  2 000 000 ՀՀ դրամ,

Երկրորդ մրցանակ - 1 000 000 ՀՀ դրամ,

Երրորդ մրցանակ -  500 000 ՀՀ դրամ:

Հայտերի հանձնման վերջնաժամկետը մայիսի 31-ն է: 

Հավելյալ տեղեկությունների համար մասնակցել ցանկացողները կարող են այցելել www.haypost.am կայք: