նախընտրելի դարձնել
Կառավարությունն իր այսօրվա՝ հուլիսի 16-ի նիստում որոշեց պարտադիր զինվորական ծառայությունից ազատել բասկետբոլի Հայաստանի ազգային հավաքական թիմի 4 անդամներին, որոնք հայեր չեն: Խոսքը հետեւյալ անձանց մասին է՝
Լուկաս Ջեյմս Ֆիշեր, Ալին Ֆուլլեր Հեսս, Էնդրյու Մրֆի Չրաբասց եւ Կրիս Քայլ Յանկու:
Նշենք, որ ՀՀ նախագահի 2017 թվականի հուլիսի 22-ի հրամանագրով ՀՀ քաղաքացիություն է շնորհվել Լուկաս Ջեյմս Ֆիշերին, Ալին Ֆուլլեր Հեսսին, Էնդրյու Մրֆի Չրաբասցին եւ Կրիս Քայլ Յանկուին:
2018-ի հունիսի 27-ի որոշմամբ նրանց տարկետում է տրվել մինչեւ 2020 թվականի ամառային զորակոչը։ Քանի որ նրանց 27 տարին լրանում է 2020 թվականին, հնարավոր չէ նրանց շարքային կազմի պարտադիր զինվորական ծառայության զորակոչից տարկետում տալ։ Հետեւաբար անհրաժեշտություն է առաջացել ազատել նրանց շարքային կազմի պարտադիր զինծառայությունից։
Այս 4 անձինք բասկետբոլի Հայաստանի Հանրապետության ազգային հավաքական թիմի կազմում են եւ մասնակցում են Եվրոպայի առաջնության ընտրական խաղերին։
