նախընտրելի դարձնել
Հաջորդ ամիս հարավկորեական արտադրողը Galaxy Unpacked ավանդական կոնֆերանսի ժամանակ կներկայացնի իր նոր ֆլագմանը՝ Galaxy S22-ը, գրում է Planet Today-ը։
Նոր սմարթֆոնի մասին շատ խոսակցություններ կան,այդ թվում՝ տեխնիկական բնութագրերի եւ արտաքին տեսքի մասին: Այնուամենայնիվ, մինչեւ վերջերս հայտնի չէր՝ արդյոք Samsung-ը կդադարի 9 վոլտ սնուցման սարքեր դնել սմարթֆոնների կոմպլեկտի մեջ:
Ֆլագմանի հավաստագրումից հետո հայտնի դարձավ, որ ֆլագմանի ավելի երիտասարդ մոդելը, այն է՝ Galaxy S22-ը, 25 վտ հզորությամբ լարային լիցքավորում կունենա: S22+ եւ S22 Ultra-ի հին տարբերակները կստանան 45 Վտ լարային լիցքավորում։ Սարքերի ինքնավարության համար պատասխանատու կլինեն համապատասխանաբար 3700, 4000 եւ 5000 մԱ/ժ հզորությամբ համեմատաբար տարողունակ մարտկոցները։ Սա զարմացնում է օգտվողներին, քանի որ շատ արտադրողներ, հակառակը, արագ լիցքավորման են ձգտում:
Ինչպես ծալովի սմարթֆոնների տենդի դեպքում, արտադրողները լիցքավորման ավելի ու ավելի հզոր սարքեր են մշակում: 120 վտ լիցքավորման հնարավորությունն այժմ սովորական է։ Սակայն հայտնի դարձավ գալիք Red Magic 7 սմարթֆոնի մասին, որն արդեն 165 վտ հզորությամբ լիցքավորում կունենա:
Հարավկորեական արտադրողին այս առումով կարելի է համեմատել միայն Apple-ի հետ, որը նոր iPhone 13-ում 27 վտ հզորությամբ լիցքավորում է օգտագործում:
