ՆախընտրելիԱդրբեջանի խորհրդարանի պատգամավոր, Մշակույթի հարցերով կոմիտեի նախագահ Նիզամ Ջաֆարովը քաշքշուք է սարքել Թուրքիայի Բոդրում քաղաքի հանգստյան տներից մեկում, հաղորդում է ադրբեջանական «Բիզիմ յոլ» թերթը:
Աղբյուրը հայտնում է, որ ադրբեջանցի պատգամավորը մեծ քանակությամբ ալկոհոլային խմիչք ընդունելուց հետո սկսել է բարձրաձայն հայհոյել եւ քննադատել հյուրանոցի անձնակազմին:
Դրանից հետո հյուրանոցի անվտանգության աշխատակիցները կարգի են հրավիրել Ջաֆարովին, ով, ուշքի գալուց հետո, հիշեցրել է նրանց, որ ինքը Ադրբեջանի խորհրդարանի պատգամավոր է: Միջադեպից երկու օր անց պատգամավորը Բաքու է վերադարձել:
