Ուկրաինայի համար մուտքը դեպի լեհ-ուկրաինական սահմանի մոտ գտնվող Պրզեւոդուվ գյուղում հրթիռի կործանման վայր պետք է կարգավորվի, այս պահի դրությամբ ուկրաինացի մասնագետները կկարողանան հետեւել ընթացակարգին, սակայն դրան մասնակցել չեն կարող, հայտարարել է Լեհաստանի նախագահ Անջեյ Դուդան, փոխանցում է РБК-ն՝ հղում տալով Polsatnews-ին։

«Ամեն ինչ պետք է արվի գործող նորմերին համապատասխան, գործող օրենսդրությամբ։ Եթե ​​Ուկրաինայից ժամանած հյուրերը ցանկանան տեսնել ընթացակարգերը, հնարավոր կլինի դրանք ցույց տալ, սակայն հետաքննությանը մասնակցելը, փաստաթղթերին հասանելիություն ունենալը, տեղեկատվությանը հասնելիությունը պահանջում են հստակ պայմանագրային հիմքեր՝ միջազգային իրավունքի եւ միջազգային պայմանագրերի ոլորտում»,- ասել է Դուդան։

Բացի այդ, Լեհաստանի նախագահը նշել է, որ երկրորդ հրթիռի ընկնելու մասին նախնական հաղորդագրությունները պարզվել է, որ կեղծ են եղել։

«Առայժմ Լեհաստանում երկրորդ հրթիռի հետքեր չեն հայտնաբերվել»,- ընդգծել է նա։

Դուդան հերթական անգամ միջադեպն անվանել է դժբախտ պատահար եւ նշել, որ հրթիռն ուղղված չի եղել Լեհաստանի դեմ, ուստի «սա չի կարող մեկնաբանվել որպես հարձակում»։