Բելգիան, որտեղ պահվում է Ռուսաստանի Կենտրոնական բանկի սառեցված ակտիվների մեծ մասը, հայտարարում է, որ ակնկալում է հավաքել 2,3 միլիարդ եվրո հարկ այդ ակտիվներից և օգտագործել այն Ուկրաինայի վերականգնման համար,  չորեքշաբթի ասել է Բելգիայի վարչապետի խոսնակը, հաղորդում է Reuters-ը։ .

Եվրամիությունը «Մեծ յոթնյակի» երկրների հետ միասին քննարկում է, թե արդյոք նրանք կարող են օգտագործել ավելի քան 300 միլիարդ եվրո անշարժացված ռուսական կառավարության փողերի վրա կուտակված տոկոսները՝ Ուկրաինային ֆինանսավորելու համար:

Այս գումարից ավելի քան 200 միլիարդը պահվում է Եվրոպայում, իսկ մոտ 125 միլիարդը տնօրինում է բելգիական Euroclear հաշվապահական տունը։

Եվրահանձնաժողովը հուլիսին հայտարարել էր, որ առաջարկություն կներկայացնի այն մասին, թե արդյոք գոյություն ունի միջոցներն օգտագործելու իրավականորեն հիմնավորված միջոց, երբ G7-ը սկզբունքային որոշում կայացնի:

«Մեզ միայն ԵՄ-ի հավանությունն էր պետք՝ տոկոսներն օգտագործելու համար: Մենք ուղղակի կիրառում ենք Բելգիայի հարկային օրենսգիրքը, որը մեր իրավասությունն է»,- ասել է Բելգիայի վարչապետի խոսնակը։

Բելգիան ակնկալում է, որ 2023 թվականին ռուսական սառեցված ակտիվներից կստանա 625 միլիոն եվրո հարկային եկամուտ, իսկ 2024 թվականին՝ 1,7 միլիարդ եվրո:

«Անցյալ տարի մեզ համար բացարձակապես պարզ էր, որ այդ ակտիվներից եկամտի հարկումը 100%-ով պետք է կիրառվի Ուկրաինայի բնակչության համար», - ավելի վաղ լրագրողներին ասել է վարչապետ Ալեքսանդր դե Կրոոն: - «Այս հիմնադրամն ուղղվելու է ռազմական տեխնիկայի ձեռքբերմանը։ Մենք դա կանենք խորհրդակցության միջոցով. բացի այդ, այն կօգտագործվի մարդասիրական աջակցության համար»։