նախընտրելի դարձնել
Նորվեգիայի վերաքննիչ դատարանը որոշել է, որ Հոկոն թագավորի խորթ որդին՝ Մարիուս Բորգ Հոյբին, պետք է էլեկտրոնային ապարանջանով մնա տնային կալանքի տակ մինչև բռնաբարությունների գործով վերաքննիչ բողոքի քննությունը, հայտնում է Reuters-ը։
Այսպիսով, դատարանը բեկանել է ստորադաս ատյանի՝ երկուշաբթի ընդունված որոշումը։ Այդ ժամանակ դատարանը որոշել էր, որ Հոյբին կարող է կալանքից ազատ արձակվել մինչև վերաքննիչ բողոքի քննությունը։ Դատախազությունը, ընդհակառակը, պնդում էր, որ սահմանափակումները պետք է երկարաձգվեն։
Հունիսին 29-ամյա Հոյբին դատապարտվել էր չորս տարվա ազատազրկման՝ բռնաբարության երկու դրվագի, ինչպես նաև ընտանեկան բռնության և այլ հանցագործությունների համար։ Նա բողոքարկել է դատավճիռը։
Այժմ Հոյբին տնային կալանքի տակ է Օսլոյից դուրս գտնվող՝ թագավորական ընտանիքի նստավայրերից մեկում և էլեկտրոնային ապարանջան է կրում: Նրա վերաքննիչ բողոքի քննությունը պետք է սկսվի փետրվարին։
Մարիուս Բորգ Հոյբին Մետտե-Մարիտ թագուհու որդին է՝ նախորդ հարաբերություններից։ Նա իր մոր ամուսնու՝ Հոկոն թագավորի խորթ որդին է։
